尋日, 一朝早同阿爸阿媽飲茶 之後, 就去番工 (多謝老豆請飲茶, 哈~)

星期6係我間bank最忙既日子, 攬到我無停過, 當中有d係service, 有d係business, 忙到暈 ! 當我忙到四圍走, 突然之間見到一個好熟悉既人, 原來朋友甲來了找我, 不過佢見我好忙, 所以無叫我, 無打攪我, 我見到佢之後, 亦只有時間同佢say "Hi" & "Bye" , 真係唔好意思, 所以之後2點收工即刻打電話比朋友甲同佢吹吹水.

尋日分行對面東亞銀行既情況:

   at 3:30pm, d人收到風 話東亞銀行會......

at 4:30pm 勁多人排隊,排到見唔到龍尾, 警察哥哥忙於維持秩序

剛剛星期一放假 ，瞓醒起身之後就將d衫分好，袋好攞去洗，之後就去文具店買嘢，然後lunch就約咗一班舊同事去飲茶 . lunch之後，就番順利村整電視同錄影機，跟住就去電視城睇"我們的梅艷芳"，晚飯要成10:30先有得食，要花老爺陪我挨餓，真係辛苦晒！

   今次趕住走，任阿旺點扮討好 ，我都無帶佢去街街，狗仔，等下次啦！

  屋企又攪新意思，換組合櫃同鋪地板，有機會就來順利村睇下湯老爺既DIY地板啦，鋪得唔錯架 ．

10月10日係阿梅生忌，尋晚錄影咗個紀念特輯"我們的梅艷芳". Anita, Happy Birthday!! I miss u.

各位好友，我剛剛轉了台，而家開始用Smartone，如果你都係用Smartone既就send 個SMS比我啦，因為大家係網內，free～　哈哈！

其實屋企人慶祝生日, 不嬲都係計農曆, 而我大佬今年生日就慶祝西曆, 因為我之前實在太忙, 又要考試, 所以要delay到佢西曆生日先慶祝, 真係多謝晒大佬!

喺度再同大佬您講聲生日快樂! 最緊要係身體健康! 生意興隆!! 各位好友有貨要寄, 記得搵我大佬呀! (賣下廣告先, 哈~)

星期６晚，我們這一家就去旺角唱K食buffet，慶祝大佬生日&中秋節！

呢間 K buffet唔錯 ，有好大隻既螺，聖子，三文魚刺身，壽司 ，牛柳，楊枝金露......你睇湯師奶食到幾飽，幾咁滿足　！

食飽飽就開始齊齊唱 K，今晚當然係懷舊金曲夜啦 ．

當然唔少得食birthday cake，仲有香檳送添，Happy ~ 

尋日9月12日係我同花老爺拍拖10周年既好日子, 記得上年大家下午都請假去玩去慶祝, 不過今年就因為我轉新工, 唔方便請假 , 所以大家只有放工之後去拍拖食飯.

本來想去apm食意大利飯, 不過間餐廳"執"咗, 於是轉去食大大件壽司.

食飽飽之後去行下apm, 同d大燈籠影下相, 中秋節麻~ 祝大家中秋節快樂!!

尋日分行有班警察嚟咗，因為有個阿伯好慘，比人呃咗2皮嘢，單case真係好似警訊嗰ｄ咁，個阿伯接到個電話講佢個仔欠佢錢，如果唔比就打佢，打到佢死為止 ！　阿伯聽咗就好驚青，而且愛子深切，"拿拿林"來分行入錢，入錢之後，阿伯即刻打電話比自己個仔，睇下d人放咗佢未，點知......個仔當然係無事，番緊工，而個賊亦極速攞晒ｄ錢，我哋分行同事想幫阿伯擮都擮唔切，真慘！ 希望早日捉到呢ｄ騙子啦．

今日係阿Sam生日, Happy Birthday!!  尋晚大家好開心出來慶祝, 5個人去咗pizza hut, 食咗2個大批, 雞翼, 濶麵, 田螺...... 非常豐富.

星期6 同"爸比"& keyboard去做義工, 今次呢個活動係150位義工要上門探訪老人家, 派迷你月餅, 同埋表現魔術比佢哋睇. 而我哋3個負責做組長, 主要係organize義工分組, 探訪地點及人數, 仲有就係教上門探訪技巧 (例如拍門唔好太大聲, 唔好問老人家d往事等等......) 當然仲有就係教魔術啦.

  組長要早一小時到，做preparation同埋做禮物包，之後其他150位義工陸續到齊，當中有d仲係長者義工添．

禮物包好豐富, 有水壺月餅白花油同埋散紙包, d老人家收到都好開心 !

上星期日, 我老爺係大陸來香港飲茶, 見下個孫, 今次係佢第一次見, 好開心 , 不過就辛苦d, 因為佢喺惠州市來回香港差不多要成8個鐘.

自從上次係blog度話有條麻雀虫出來 , 朋友乙即刻做嘢, 所以我聽晚就有雀局了, 多謝晒!

今日7:00先收工, 對於我來講, 本來覺得好辛苦, 因為出來做嘢咁耐, 都無咩要OT, (而且仲可以早走)......不過當我打電話比表妹時, 見佢仲係公司, 嗰一刻, 我覺得要學習下 (多謝你表妹), 而且其實比起好多人 (特別係我哥公司同事同埋花老爺, 哈~) 其實7:00收工已經係唔錯, 一d都唔辛苦, 我要努力, 打低懶虫!!!

不過承winner講，大家朋友仔好耐無見，有條麻雀虫出緊嚟呀！小心～