近來喉嚨成日都好乾，今日仲痛埋，點解？都係多得證監會囉，因為由7月1日開始，所有投資都要錄音，錄音唔緊要，最重要係迫您重覆又重覆讀埋d風險同埋重要通知，每一個客要讀成個鐘，唔讀又或者讀少句就話你犯規，炒得！真係有壓力，未解決．

就算個客剛剛上星期先做完，今個星期都要由頭重覆讀一次 ，所以好多時讀讀吓有d客開始玩手指，有d四圍望，有d甚至瞌眼瞓，我有我讀，佢有佢瞓 ）試過連續有3個客做investment，即係我連續3個鍾不停講嘢嚟錄音 ，做完之後真係聲都沙埋，日積月累，今日做完個客，錄咗2個鐘音之後開始......喉嚨痛，唔知工傷包唔包喉嚨痛呢？？？

上星期日我哋又出發去浮潛, 今次都係去海下, 不過就見到好靚既水母 , 只可惜無影到.

今次湯生同湯太都有去參加, 好靚既水母都係湯生發現

今次見到好多好多魚仔, 海參, 寄居蟹同埋海星, 夏天都係要去海灘至係爽呀~   夏天水世界, Yeah~

上星期五我同湯師奶都放假，於是湯家就一齊番深圳行吓玩吓揼吓骨 ，順便參觀吓my brother既深圳新office，office環境唔錯，我覺得仲舒服過香港，而除咗參觀之餘，我當然係幫吓手整整電腦啦 ．

首先就係坐地鐵去呢個萬象城飲茶，今次係湯師奶第一次坐深圳既地鐵．

去到Office我同湯老爺就扮老闆扮high，不過大小湯師奶就唔理咩叫做high同儀態，居然除晒鞋嘆世界，點知比我影咗相 ，耍手say no都無用，哈～

之後去咗毛澤東都食既毛家飯店食我愛既辣魚頭同埋聖子，大家都食得好開心，你睇湯老爺開心到"吹喇叭"

尋日星期日又去咗浮潛，今次既目的地就係西貢既海下．

行程:

西貢碼頭 --> 坐小巴去海下，成為$10 --> 喺士多換衫租艇租locker (老闆態度勁差, 一定唔會再幫襯呢間雲開士多) --> 開始浮潛 --> Lunch --> 又再浮潛 --> dismiss番屋企

係西貢碼頭集合，我同花老爺一早到咗去食早餐，食完早餐仲去買咗個$20既水泡玩，而林生林太就唔洗買，因為佢哋帶咗好pro既浮潛用具．

女既就坐獨木舟輕輕鬆鬆出海，而男既當然係幫手推啦，哈～

呢張相中有隻蟹，要考你眼力先睇到架．

  突然之間落起大雨同埋行雷，於是我哋其中4個走水路，我同花老爺就走陸路，大家分頭去士多避雨兼Lunch.

海下呢度有海星，海膽，海參，好多唔同類型既魚同珊瑚，正呀！而我哋當然係用最快時間同佢哋影相，唔會整親海星姐姐同海膽哥哥啦．

上星期6慶祝阿鳳生日食dinner，去咗呢個mega box食pizza．

waiter哥哥影相好手震呀

壽星女當然有禮物收啦，今次我比人投訴無用報紙包，下年我一定送份報紙比投訴人做生日禮物，哈～

今餐有沙律，春卷，意大利粉同Pizza，仲有細路仔食，真係好想咬啖佢...so kawaii既琳琳

近來番工玩興致，就係lunch之後去買花番公司插，我而家張枱面有４棵花，哈～

  有太陽花，黃金葛，唔知咩葉，上次仲買咗支蘭花同埋紫菊，靚麻?

星期日天氣火熱 ，我哋 4條女去咗東坪州玩浮潛，好開心好好玩，夜晚仲去咗明星食海鮮 ，Happy!

一朝早係大學站出發去碼頭坐船去目的地~東坪州，你睇個島幾平

去到大家換好衫整好裝備，就開始玩浮潛，海底有好多唔同形狀既珊瑚，仲有好多魚，海參同埋蟹仔，本來想一一影低佢，不過可惜以我第一次既水中拍攝既技術，影到......

今次掛住玩浮潛，無時間去欣賞東坪州既奇石，等冬天時再來看吧！ 因為夏天會係水上既世界～

上星期日熱爆 ，不過唔想放假係屋企，想出去hea，於是同花老爺去咗行黃金海岸，好耐無去過了，唔知而家仲有無跳蚤市場呢？

去到除咗行跳蚤市場，睇海景外，仲咁啱有泳衣show睇，真係透心涼～

沙灘有好多可愛既小朋友，kawaii呢