上完個training, 我哋成班WMM約好了星期五晚一起慶功relax, 而今次去既就係其中一個同學仔介紹既"樓上樓". 雖然等咗成個鐘位, 不過d嘢食無論係刺生 定係打邊爐 既用料, 都係"Ichiban", 底等! 當晚方中信都係呢間"樓上樓"既坐上客.

  <- 刺生同和牛肉都好好味！

  <- 日本粟米勁甜, d大隻蜆都好有鮮味~

  <- 當中有女中豪傑, 飲酒比男仔更厲害!

尋日終於 ~ 完成22日Training, 做完3個role-play assessment, 考完3個勁辛苦既考試了, 同埋5個緊張 Quiz.

上星期就最辛苦, 攪到連大佬生日飯都要delay, 好彩今日可以放假, 所以我而家會relax下, 打下機, 係咁先 ~

明天係我大佬Lunar生日,  Happy Birthday to my big brother!

突然之間, 想起小時候d英文書中多數都有個叫 Siu Ming, 而朋友仔又同英文書一樣咁親切, 所以私下幫佢改咗叫小明 = Siu Ming, 哈~ 希望佢喜歡啦.
今日係Siu Ming 生日, 祝佢生日快樂! 工作順利! 身體健康! 場場勝利! 

尋日，大家都出來為小明慶祝生日，去咗一間service勁差又貴既旺角雀會，不過就玩得好開心，因為有ｄ朋友仔太耐無見了，而且今次係今年首個成功舉行既生日會呢！

    唔知小明許咩願呢？中國奧運40金？

  大家為咩舉起晒ｄ手指 自己估下啦．

   今次我既成績係......敗，因為小明嫂既2條青龍同嘉達嫂既自摸對對糊再加上肥筲箕既混一色實在太厲害，任我一開始食個叻咕叻咕都無得番身，賽事精彩！好玩～

尋晚睇中國女排, 真係好肉緊, 好想中國隊win, 不過......巴西實在太勁, 而且個個打波都好冷靜 , 反觀中國隊心理質數就差好遠, 輸咗一局之後就亂晒, 第二同第三局......真係無信心 + 亂亂亂! 希望星期6既最後比賽打好d, 起碼有個銅牌啦.
加油呀! 中國隊我支持你 ~

今日training做 role play assessment, 大家都好緊張 , 因為如果唔合格,就要同個BM再做assessment = 樣衰, 恐怖同麻煩......

當然大家最後都係緊張中順利渡過啦~

尋晚係呢個呂郭の友X週年大聚會, 至於幾多周年, 真係唔好提, 如果唔係會覺得自己好老......餅!

係呢個function, 好開心見到好多中學同學仔, 有d好耐好耐都無見過, 真係連名都唔記得, 所以就猛問其他人個條友係邊個邊個, 有d問完, 講完個名我都無印象佢係邊個   真係what cow!

原來中學係一個搵另一半既好地方, 五圍枱都起碼有一pair係中學結識&結婚, 有d仲有埋小朋友添.

  前排坐既當然係呂郭既老師啦

只有中四丁班既人我係認得晒同記得晒ｄ名

   
中學同學聚會wo......唔知呢幾條友大家幾耐無見呢? 哈~

中學後無咩見過面, 但又差不多知佢每日做緊咩既中學同學
Friendship Forever!

8月又有個壽星女, 佢就係Amanda, 所以我哋一家人尋日去咗諾士佛階既Samba Restaurant, 呢間餐廳都唔錯, 生日去會有紅雞蛋、禮物、生日咭 & 火 焰雪山生日蛋糕.
 
  老豆話間餐廳唔夠浪漫wo, 不過一家人食飯做咩要浪漫???

   
有成隻蠔食, 又有火焰雪山生日蛋糕,你睇amanda幾開心

  餐廳送既即影即有月曆卡

尋日因為打風有一個額外既假期,  令兩腳軟軟的我, 可以休息一下 , 而打風最好既休息節目當然係打麻雀啦, 哈~

另外, 近來好忙, 日頭忙training, 要記好多好多嘢, 而夜晚就要追"can can", "can can"係咩? 咪<當貓愛上狗>既其中一位主角囖, 每次見到佢都覺得好似我隻貓仔, d表情動作好好笑.

本課程旨在傳授一套經多年研究，並結合多國武術精要而演變成的，適合現代女性的自我防衛技術。目的是用以應
付一般辦公室的性侵犯及性騷擾，以及突如其來的襲擊，達到自我保衛的作用。
 
今日收工同杜比美誼去學工聯會既"女子自衛術"，不過首先第一站係去花園街食臭豆腐，臭豆腐真係好特別，好好味! 之後去上堂，今日係學起飛腳，由7:30踢到9:30，真係勁倦，而家腳都軟麻

8月初有2位好友生日, 2號阿鳳3號Barbie, 係呢度祝兩位生日快樂! Happy Birthday ~

星期五晚, 去佐敦食飯同阿鳳慶祝生日, 呢間順德嘢食都唔錯, 幾好味. 食飽飽之後, 我同阿鳳就拍拖行尖東, 兩個人傾下計, 直至去到new world 我就坐車番屯門了.

今次為阿鳳預備了蛋糕＆壽包 
星期六, 下午就同花老爺去咗葵芳行街街 , 好耐無去葵芳了, 原來而家居然興飲椰汁, 見咁多人排隊, 當然追上潮流排隊買番支啦......不過飲落又......無咩特別.

睇下兩條友幾無聊