上星期六收工之後，花老爺同我去咗旺角閒逛，當日平安渡過，無人係天台掉通渠水落街，Thanks GOD!

家吓興番地圖袋，所以"拿拿林"搵番中學時用既地圖袋出去旺角潮吓先

       呢間叫鮮既日本嘢好低食，有我 1 人獨享既原隻鮮味生蠔 & 三文魚刺身半磅(因為花老爺唔食生嘢，我可以名正言順食晒，哈~ )；加上花老爺食既燒鯖魚，青瓜卷&加洲卷，埋單都係$135 .

話說N星期前去行街街同埋食lunch，我同花老爺去咗太子始創食齋，呢間齋店係摩登齋，好好味又好有新鮮感，連花老爺都話"GOOD".

唔講你知之下食咗呢碟三文魚刺身，你一定會以為係真既三文魚，因為無論味道同個樣都好似，of course其實佢係齋，所以又要讚吓

  好味既沙拉骨，都係我同花老爺既"賣飛佛"

  食飽飽之後行街街，點知咁啱撞到大家都揹蝴蝶袋既Amanda，當然仲有我Brother啦，真係有緣呀!

   咁多年來，打麻雀都係我哋既節目，以前打麻雀就只係打麻雀同埋吹吹水，而家就有多個節目就係同琳琳玩，令到緊張既氣氛可以輕鬆舒緩一吓，哈哈～ 真好～

自從公司改呢樣改嗰樣，大家做嘢壓力大咗好多 ，為咗減壓，我哋WMM決定去High Tea輕鬆減吓壓，有人提議去半島，不過唔係我去開既半島茶餐廳，而係半島酒店，大家聽到之後好雀躍，因為我同另外位同事咁大個女都未去過半島酒店High Tea，今次終於可以扮吓上等人，而且仲有WMM基金sponsor添．

一去到見到排長龍， 本來打算走，點知比我哋搵到有個Room係唔洗等位，Yeah~

個tea set有3層，最好味都係件三文魚三文治，其他就普普通通，而杯mocha我就覺得老麥個杯好飲d，真係cheap呀我．

最後要多謝VN姐 ，因為佢包底，你話咁好既同事點捨得佢走... 不過點都好啦，預祝佢前途似錦~

上個星期掛住玩我既新玩具，唔得閒寫blog，今日放假要update下先．

7月11日星期六，大家出咗去老尖食飯慶祝 7月既壽星．

大家係酒樓叫咗個壽宴，個壽包好大個好正，入面成個蛋黃，仲食唔晒打包添．

今日"信報"有花老爺呀, so cool～ 我當然係第一時間去買番份報紙啦，因為信報上網睇要比$$，所以我upload咗去http://sherman.hihiu.com/kongsolo.htm ，留番自己做收藏

大家有時間可以去 http://www.kongsolo.com睇下佢既作品.

淘大附近有間新既酒樓開張, 我阿爸阿媽湯老爺同湯師奶當然話要去try吓啦, 所以星期日朝早就一家人去咗試食 .

呢間酒樓有我鍾意既小白兔食, Yeah~

最有特色就係呢杯唔知咩楊枝甘露, 細細杯, 有6杯, 剛剛好每人一杯, 味道唔錯

以後, 小朋友的故事書裡面出現了這樣的一則童話 :
因為爸爸的婚外情, 我們一家就過著很幸福的生活---

爸爸跟媽媽結婚10天後就跟一個老女人搭上, 跟她發生性行為, 除了幫她算命, 還幫她按摩全身, 拍親密錄影帶...
自此, 我們一家人就過著很幸福的生活: 住寶雲道獨立屋, 去旅行有私人飛機接送, 平日出入有保鑣。

好比倪震, 好比謝偉俊, 正當其他男人被揭發對伴侶不忠都遮遮奄奄尷尷尬尬的同時, 爸爸為他的婚外情感到無比驕傲. 還主動提供跟老女人的親密合照,私房錄影帶, 遺囑等作為證明他跟老女人的親密關係的證據。

雖然爸爸跟第二個女人有染, 媽媽並沒有感到不光彩, 她真是世界上最幸福的一個大婆.
如果那些證據能夠證明爸爸跟那個老女人的關係, 我們這一家以後都可以過更幸福的生活了。
爸爸十多年來默默經營的一段婚外情, 為我們一家帶來一段幸福美滿的生活。

媽媽和我們自此富富貴貴, 無憂無慮, 快快樂樂的生活著, 直到永遠......

上個weekend好充實, 因為同花老爺去咗探佢老豆即係我老爺, 而老爺而家就住係鄉下惠陽retirement, 生活比我哋想像中簡樸, 無冷氣, 無熱水既花酒沖涼, 無厠所水 , 無呢樣, 無嗰樣, 但係就健康好多, 例如早睡 早起, 日日行下綠油油既田呼吸吓新鮮既空氣.

   老爺喺鄉下種矮瓜，花生同埋荔枝．我當然好唔客氣咁摘佢ｄ矮瓜同埋荔枝食，不過我好失敗就係摘完一輪荔枝之後，竟然放咗係枱面唔記得帶番香港 ，真係what cow!

      老爺養咗幾隻雞同埋兩隻狗 ．

       大家行完田之後，花老爺就下廚煮午餐比大家食 ．

廚房同埋睡房都好有鄉土既氣息