星期六，約了cityu同學去食飯，其實大家都畢業咗成8年，耐唔耐都會出來聚一聚，update下近況。今次，有好消息就係Philip好快會做爸爸，而米高就有個女朋友仔了，恭喜晒！

 

今次去了荃灣既五月花食日式既任飲任食，都幾好，刺身＆手卷源源不絕，上菜又快，仲係每人＄148。

  食完飯，當然係影下相啦 。

星期日，花老爺約我去拍拖，因為中午時段實在太晒太熱 ，所以兩條友先去茶樓慢慢嘆茶，到差不多3點先入西貢，點知入到西貢,個天突然轉晒, 天陰、行雷、閃電、落大雨 。但係1個小時之後，又天朗氣清，而龍舟賽亦可以繼續，於是我和花老爺亦都繼續行下又睇下，四圍拍拖四處"貢" ~

    花師奶喜歡吃楊枝甘露，而花老爺就喜歡吃矮瓜．

　唔知點解間酒樓咩都係"中點"

天晴 -> 下雨  大雨 -> 行雷+閃電 行雷+閃電 -> 開始轉晴

-> 雨過天清到可以繼續龍舟賽 

尋晚收工6:00pm去送尹嫲最後一程, 見到阿嫲有好多子子孫孫, 幾代同堂, 我相信阿嫲都好安慰. 記起中學時成日去winner屋企開枱,有時候阿嫲仲會一齊打麻雀, 真係好高興, 而且阿嫲會好take care我哋, 成日問我哋食唔食嘢, 又叫我哋食埋飯先走......所以尋晚望住你張相裝香比你時, 我......忍住不哭. Anyway, 阿嫲Thank you! I will miss u! 

之後8:00pm, 我約咗"神秘人", 因為"神秘人"有2張VIP既書展飛, 我花師奶當然去啦, 一來我都好喜歡睇書, 二來免費入場, 三來好耐無比"神秘人"邀請, 好開心~ 四來尋晚花老爺忙爆成1:00am先收工, 我要自己一條"冷"dinner, 所以好多謝"神秘人"陪我.

  點解叫佢"神秘人"? 因為佢唔肯上鏡law, 哈~

老尖meet咗之後, 去食curry瀨尿蝦飯同飲椰青

書展既收獲, 有一本係神秘人送既

開始咗係H記既生活, 而家係training既階段, 首先呢個星期係attachment, 去咗某大分行學嘢, 嘩! 原來一間分行每日既工作好似打仗 , 個個dept都好忙, 每日好多客人來來往往, 又要解決好多問題 (包括合理同無理), 而我呢幾日就喺打仗既生活度過, 所以好倦, 放工都無精神寫Blog......不過講真, 比起花老爺份工, 其實都唔錯, 起碼我都可以7:30收工, 而佢尋晚就要成10點啦......不過比起我之前份工就 ......5:40洗手, 5:45放工走人, 番工時間又可以上網, 又可以msn, 又可以偷偷地寫blog.....總之就free啦, 所以而家真係好唔習慣.

比d時間我, 我一定會適應, 到時就可以晚晚收工有精神寫blog了, 哈~

星期日, 邀請咗阿Sam同阿豪伉儷食晚飯. 當日我哋首先去阿豪伉儷未來既新居, 新居係沙田既地王第一城, 環境清靜, 而且間屋入面新之餘仲好"骨子", 組織2人世界真係啱晒. 跟住大家就去咗"春天"食日本嘢　 　

    <-- 睇屋之餘，同敏晴玩餐飽～

  <- 件珍寶軟殼蟹手卷真係好"JUMBO"

敏晴好可愛又搞笑，而且影相仲會自動望鏡頭

星期五，同屋企人去廸廸尼，首先要多謝"米高"，因為佢比咗個quota我，等我哋其中3個可以免費入場，Thank you! 仲有就係多謝個天，因為落咗成個星期雨，星期四開始就陽光譜照

入到Disney，見到米奇同米妮，本來都想同佢哋影下相，不過暑假期間實在太多人，要等好耐，為咗爭取時間玩，走人～

  <- 首先就係玩小朋友飛碟　

跟住就係巴斯光年，space mountain，小小世界，仲有就係開餐．玩space mountain後，我老豆就暈暈地，而我奶奶唔止暈仲連腳都軟埋..... 企唔穩

<- 行行下見到王子，當然係take photo啦　 

今次個巡遊主題係「米奇水花巡遊」，所以架架花車都會噴水，好爽呀～

  之後坐維尼熊車仔同睇show

9點鐘睇完煙花，老豆買完手信，之後大家去咗Disney's Hollywood Hotel 食宵夜buffet. 嘢食好好味，仲有米奇老鼠餅餅，好香牛油同朱古力味，正！

   <- 之後爸爸媽媽阿哥同阿嫂就番廸廸尼酒店，而我同花老爺&奶奶就番屋企．

<- 第二日佢哋仲係廸廸尼游水，行花園，玩咗一輪，你睇湯師奶幾開心．

雖然無番工幾日, 不過都無停過, 星期一就去咗my brother既logistics公司幫幫手, 之後去學琴, 星期二同三就要去上堂, 因為要攞學分, 星期二晚上堂到9:30時真係得番半條人命, 勁倦~ 好彩花老爺係灣仔等埋我, 之後"拿拿林"去茶餐廳食完dinner番屋企去搵周公

今日終於可以有自己時間, 所以我一早起身, 準備寫完blog之後就去泳池游水 , GO GO GO!

星期日係BB既生日 , 為咗慶祝, 大家去咗將軍澳既fat angel'o 食意大利嘢, 當然有我喜歡既意大利飯食啦, 哈哈

除咗生日主角之外, 我哋仲有個特別model, 佢就係琳琳, 你睇~

<- 跟住當然係禮物小姐送禮物啦,份禮物好特別,同琼姐堃哥唔一樣, 哈~

  <- 想偷影我? 我快過你~

  <- 又係大合照時候，笑~

上星期6, 我, 花老爺, Ricky & B 四條友仔番大陸. 本來我既主要目的係攞衫, 不過點知無得攞, 都未起貨, 激死 ! 而阿B既主要目的買美術用品就 - 滿載而歸.

＾ 上水火車站, 每人都準備一個行李箱出發.

^ 去到商業城就去咗食飯, 有片皮鴨食, 熱呼呼, 好味呀 !

  <- 滿載而歸, 開心到痺既B姐.

<- 認識咗4個小時既Ricky同阿B...幾friend~

^ 晚飯食四川既口水雞, 個汁好濃, 好香

今日係我A 記既last day, 好唔捨得呀! 因為"我在A記的日子"好開心, d 同事都好好, 好friendly, 好幫手, 好好笑, 好好玩, 而老闆又好鬼nice......最重要係都幾free, 不過為咗興趣同發展, 我選擇咗另一條路 .

今日一朝早, 忙著要hand over 晒手頭上既工作, 之後lunch, 同事請咗我去"和民" farewell, 真係多謝晒 , 個魚生飯特別好味, 其實當大家飲杯cheer祝我"前程似錦"時, 心入面真係好唔捨得, 難得同事之間, 咩都可以講, 無論係工事定係私事大家都會好無私咁分享, 好似一家人, 而且公司又比好多機會我, 令我有好多第一次, 第一次係上市公司既annual dinner做MC, 第一次係灣仔會展seminar做speaker, 第一次用普通話做kick-off meeting......所以我係呢個period真係學到好多嘢, 正如我臨走時send比他們的Goodbye e-mail "Thank you for your help and support. I will never forget the days with you guys and your friendship."

Keep in touch & Miss U all ~

而家真係生意難做 , 之前聽到好多香港公司有大陸廠都因為大陸實施勞動法, 搞到唔見咗一大筆資金, 跟住美國又經濟衰退=少咗單, 人民幣又急升=成本上漲, 令到佢哋更加苦過"de de" , 好多廠都越做越辛苦, 越縮越小......總之一個字-慘!

點解我咁多嘢講? 因為影響到我family麻, 我老豆公司就係因為咁, 越縮越小, 減人減成本,

今次連我老豆都......cut埋 , 等佢可以提早退休, 所以... 做廠真慘...我唯有祝其他廠好運,Good Luck

P.S. 大家有無"筍"工介紹我老豆老人家呀，哈~

7月8日係琼姐生日, 9日係堃哥生日, 係度同兩位講聲Happy Birthday先~

上星期六晚, 大家出來預祝兩位生日, 去咗老尖既酒樓食飯.　

　 <- 飲到糖水先記得影相

<- 大合照呀! 笑~

    <- 禮物小姐派禮物, 份禮物好實用, 唔知佢地今日有無用呢?

好耐無update了, 所以而家先update番 7月1日回歸日 (時光倒流五日前......)

7月1日, 一朝起身, 食個早餐之後 , 就去咗睇"一粒糖"既中醫細路, 一來我想條氣再順d, 二來花老爺都想睇睇, 因為我上次針完又真係個胃無咁脹, 而且花老爺之前工作太忙 , 副"計"好似唔係咁好.

 
^ 花老爺都算激囉, 居然針個額頭 , 佢仲好輕鬆, 好似無咩嘢, 一個字, 勁! 想起我上次個驚樣,小女子佩服佩服~ 

<- 仲有就係針兩隻手腕.

希望花老爺遲d無咁多嘢做, 休息多d, 身體好d啦.

星期一收工之後約咗杜比同美誼去element睇戲, 大家可能會好奇怪, 好少去戲院既我, 點解今次會去呢? 到底有咩戲咁好睇呢? ......其實, 只不過係因為杜比有coupon唔洗錢, 我花師奶當然第一時間去啦, 今次真係多謝晒杜比 , 下次有好嘢都記得要預埋我呀! 哈~

^ 收工即刻去睇戲，當然要買ｄ爆谷頂肚啦． 睇咩? 好好笑既功夫熊貓law.

睇完戲之後, 本來想係element搵嘢食, 點知佢哋好早收, 於是坐小巴出老尖食. 係坐小巴時, 發生樣好好笑既嘢, 就係坐係最後排既我哋, 聽到有人好斯文叫"新港", 咁就諗住司機會停新港, 點知直去過咗 , 之後又有人叫"太陽廣場", 我哋又諗住司機會停車, 點知又飛過 ......終於忍唔住大叫"有落", 但架車已經係禁區, sorry, 無得落. 後來問司機可以係邊落, 大家先明白點解司機之前唔停車.....原來嗰把好斯文既聲就係小巴司機既聲, 原來係佢問"新港有無"....."太陽廣場"有無.....("有無"係細到聽唔到).......真係估佢唔到, 因為平時d小巴司機多數都好粗豪大大聲問 "XX有無落呀！", 從未聽過咁斯文既聲發自小巴司機呢! 

 
＾去老尖食意大利嘢，唔知點解開咗半支紅酒，跟住大家問為咩? 急才人就即刻話係慶祝香港回歸 ．

＾牛扒，意粉同埋意大利飯都好好味，呢間意大利餐廳值得推介，係阿士厘道盡頭，不過唔記得叫咩名，哈～

星期日同杜比番咗大陸, 下午12點出發, 去到首先係醫肚, 我哋選食西餐, 間餐廳環境幾好, 我同杜比大家都叫咗個牛仔骨餐, 味道唔錯.

 
＾ 個羅宋湯好多料, 而牛仔骨個樣同味道亦都唔錯

食飽之後, 就開始出發去造我既衫, 係選布料中途, 杜比見到個阿嬸拿住成攞蕉, 就走去八掛, 點知八下八下, 居然買咗疏蕉番嚟, 真係what cow!我估佢係香港開埠以來, 第一個係羅湖商業城買疏蕉既香港人! 之後去咗按摩, 嘩! 勁平, $25按半個鐘身同半個鐘腳, 仲係好舒服, 好"到位", 而且同時間有3個男人服侍, 真嘆~

<- 第一個係羅湖商業城買疏蕉既香港人!

之後約咗公司同事一齊食dinner, 去咗毛家飯店食湖南嘢, 同事話係毛澤東主席來過的.

^ 未飲過都唔知道支老掌柜成43%酒濃度 ，飲完一杯之後都唔敢再添飲．

^ 呢個辣椒蝦勁多辣椒, 個樣好似好辣, 不過食落又唔係wo .

^ 仲有東坡肉, 排骨燸米飯同埋椒刴魚頭, 有辣有唔辣, 都好好味, 而且埋單每人只係$42.

<- 最後當然係大合照啦