今日公司又有新消息, 聽完之後勁想爆粗!!!  真係曲佢個街!!!

6月22日 - 星期日 (間中有雨)

今日係父親節, 我book咗H記既餐廳食buffet, 我都係第一次去, 呢日因為係父親節餐廳仲有曲奇餅送.

呢度最好味有三文魚刺身, Tiramisu 同埋個磨姑湯, 不過嘢食比我想像中少, 但係就可以好free咁慢慢食, 由天光食到天黑.
天光 ---> 天黑

6月7日 - 星期日 (天氣酷熱)

大帽山高達957公尺是香港最高峰, 今日我哋4個決定去征服大帽山

今日係呢個trip既last day. 好懷住依依不捨既心情番香港
<- 係酒店check-out之後, 就揹住我既戰利品"蝴蝶袋"去鄭皇廟, 鄭皇廟既建築好宏偉, 上去唔簡單, 因為佢既梯級好斜.
<- 之後去泰國最高既塔睇風景同食buffet.
<- 食buffet既地方有d景點比大家影吓相, 好搞笑

第四日(5月29日) :

呢一日去玩去顛.....夢幻樂園同埋夢幻真雪城.

<- 夢幻樂園既外貌有d似廸廸尼

<- 夢幻真雪城入面好凍, 真係好似去咗北極咁, 雪兜好好玩, 不過實在太凍, 玩咗3次迫住要收手

<- 夢幻樂園有好多嘢玩, 最好玩就係呢個叫Grand Canyon 大峽谷, 大家玩完之後成身濕晒, 不過都要"嘔血"(嘔血係泰文"encore"既意思)

<- 去完夢幻樂園之後, 我同花老爺去咗4年前去過既餐廳食"供車阿爸"=泰色剌身蝦, 好彈牙好好味, 而且又平

第三日(5月28日) :
<- 呢一日要離開陽光與海灘既芭提雅坐車出發去曼谷, 大家都好唔捨得呢度既陽光與海灘&酒店泳池, 皆因酒店泳池d水無氯氣, 而且又任玩跳水, 連怕跳水既我見到花老爺同團友玩得咁開心, 終於都忍唔住試吓跳.
<- 旅行團當然唔少得去買嘢既地方啦, 今次去既係寶石廠, 我買咗隻白寶石介指.
<- 去到曼谷第一站就係去拜泰國好出名既四面佛, 拜拜吓仲撞到阿Wing, 佢好虔誠好有心, 唔知係唔係希望事業反彈呢
<- 之後就係大家自由活動去行街街, 夜晚就去night market, 呢度比幾年前真係靜咗好多, 導遊話金融海嘯之後就係咁wo. 突然之間, 好感謝上天好感謝花老爺比我有機會可以去旅行同去玩.

第二日(5月27日) :
今日一朝早喺酒店泳池邊"懶"休閒咁 食早餐，之後就起程出海去玩．首先係玩呢個降落傘，見到我麻?? 係半空中感覺真係好free呢~ 跟住既就係海底漫步，海底漫步好得意，見到好多唔同既魚仔 ，我哋一路餵麵包一路欣賞，海底仲有好多珊瑚，而最得意就係有海膽係手上面慢慢行，隻手"吉吉哋"
玩完呢兩個消費活動之後，就享受吓呢個唔洗比錢既陽光與海灘

芭提雅海天一色可以好free咁晒我既魔鬼"濕柴"水桶腰，無比人笑，真係好開心～

夜晚，我哋就去咗睇人妖show，d人妖真係好靚好身材，而且仲好sweet，真係一d都唔似係男人改變過嚟．睇完show之後我同花老爺去買榴槤食，呢個榴槤真係好好好．．．味，好creamy同埋好有榴槤味，正到唔知點形容，仲係港紙$30左右，最衰唔可以帶番香港，如果唔係我實買幾箱．

去完上海之後, 下一站就係去泰國, 今次真係多謝花老爺送既生日禮物 - 泰國5天團.
第一日(5月26日) :
<-- 呢日半夜3點幾起身梳洗, 之後坐早機8:00出發, 真係早機去晚機反, 好低, 去到泰國有Sun Flower既專車接送, 而且仲係新車, 好舒服, 唔錯唔錯!
<- 第一站係騎大象同埋馬車, 原來騎大象都幾高, 而且當日天氣好好, enjoy ~
<-之後去咗醫肚, 今餐有魚翅, 燕窩同埋粉絲蟹煲
<- 下晏做正宗既泰式按摩, 爽呀!
  <-- 食完晚飯之後, 去咗一個極度驚嚇既鬼屋, 嚇到個個團友出晒一身汗, 一路喺入面行, 一路叫晒救命 (of course包括埋我啦, 出到嚟成身濕晒, 但就除咗花老爺, 佢真係天不怕地不怕......)
<-- 嚇完一大餐, 當然係睇下"信不信由你"博物館同埋食番個香蕉船定吓驚啦.

湯師奶走咗之後, 我哋就係上海hea, 例如去下教堂, 行下街食下嘢, 去下超市試食等等.
<-- HSBC係上海既......"聖愛"大廈
<-- 湯生係書店都好enjoy ~
<- 有四川嘢食同變面睇, 兩樣都好正
<- 最後, 大家就上飛機番香港, 完全咗14日既上海之旅

番來上海了, 第10日湯師奶因為next day要開工, 所以首先打道回府, 一早我同老豆就同佢一齊坐磁浮列車去機場, 順便食個早餐.
  
  <- 上海磁浮鐵路單程費時不到八分鐘,列車平均時速二百三十四公里，最高時速可達四百三十公里, 勁快呀!
    <- 喺機場食個早餐差不多二百蚊人仔, 勁貴, 不過見湯生湯太咁開心就算啦.

  <- 送完湯太上機之後, 我就同湯生四圍行街同食嘢, 當然又有上海小籠包啦.

估唔到去完泰國番嚟仲有人請食birthday dinner同埋收禮物，真開心

  <- 今次都係去食齋, 不過太子呢一間仲正, 有三文魚刺身食, 相似度有成90% 勁呀!