前兩日, 收到朋友send來的e-mail, 睇番之後好有親切感同好好笑, 有好嘢當然預埋你啦

1. xxx﹝人名﹞，坐飛機，跌落黎，慘玻璃， 返到屋企唔憤氣，打爛電視機，打爛收音機， 「呯lin bom林」放臭屁，臭過無比石油氣。

2.肥佬肥滕滕，買舊豬肉去拜神，行到半路屎忽痕。

3.一加一，二加二，三加三， 死加死，五加皮，六死你， 七個肥婆坐住你，八支槍仔指住你，九龍醫院唔收你，十個棺財等住你。  

【餘音未了。類】
1. 琴日我見到你阿媽跳樓﹝扭﹞…腰舞！
2. 琴日我偷睇你阿媽沖涼…茶。
3. 你老豆過左身﹝新﹞…加坡。
4. 見到你阿媽係廟街做雞…蛋仔。
5. 你老母臭﹝湊﹞…大你。
6. 你好鐘意搞基﹝機﹞…關槍。

【顛倒。類】
1. 長洲賓客人數多﹝倒轉讀：多數人客賓洲長﹞
2. 人做個好市民﹝倒轉讀：聞屎好過做人﹞
3. 惠康聖誕大特賣﹝倒轉讀：賣特大彈性胸圍﹞
4. 上水居民居水上，長洲賓客賓洲長。
5. 大圍三姑三圍大。
6. 昆明擺檔擺明昆。
7. 大院高曾高院大。 

【對聯。類】
1. 幾大就幾大，燒賣就燒賣。
2. 地上執到寶，問天問地欏唔到。
3. 追得到，比個錢你買紅棗。
4. 聲大大，冇野賣。
5. 人賤唔怕醜，雞鵝趕唔走。
6. 意見接受，一切照舊。
7. 淫人妻女笑呵呵，妻女被淫又如何？
8. 遠遠睇就誇啦啦，近睇說小那媽﹝睇女時用﹞
9. 返工就有心無力，放工即刻精神奕奕。
10. 黑黑實實，專搵笨實。
11. 羸就羸粒糖，輸就輸間廠。
12. 頭髮似堆草，唔駛去飛髮鋪。
13. 著鞋唔著襪，大方兼老實。
14. 講o野一舊舊，似足你老豆。
15. 一千幾百，尤如垃圾
16. 講就天下無敵，做就有心無力  

【改編歌詞。類】
《生日歌》
恭祝你生日撼穿個頭，
慶賀你死埋老豆；
年年都要乞食，
歲歲都要楂兜，
恭喜你，恭喜你。

《神奇大帝》
神奇大帝穿o左個窿，娶o左三個妾氏，
有個放屁﹝冇氣﹞，有個痘皮，有個病到就o黎死。

呢幾日開始食中藥, 因為係藥粉, 所以好方便, 好似沖好立克咁開熱水一沖就可以  

至於味道, "一粒糖"話佢細路知我怕苦, 已經就住唔開d苦嘢比我, 而我飲後都覺得唔太苦, 但係始終有陣中藥"怪"味, 所以一飲完勁"啪"山渣餅癖味

　<-- 藥粉可以唔洗煲, 仲細細包, 真係好方便

   <-- 飲完藥9秒9比我食晒成排山渣餅.

今朝一起身勁開心, 因為係8號風球 , 可以唔洗番工, 繼續瞓. 不過諗真d, 其實打8號風球有好有唔好, 好就係可以放下假, 唔好就係會影響好多人同埋可能會有傷亡, 好似"風神"已經令菲律賓造成最少155人死亡, 400以上人受傷. 而香港就17名市民受傷, 其中2人傷勢嚴重 . 所以想想下都係唔好打風好d.

尋日去咗"一粒糖"屋企見佢個中醫細路, 比佢把把脈, 睇睇我條氣點解仲未順, 而且仲成日胃脹脹, 有胃氣. "大夫"把咗一陣脈, 又問咗我一d問題, 之後就話我好濕, 而且可能有壓力, 未解決 . 之後就話如果想快d好, 可以比佢針下. 咩話??? 針下????? 好驚呀!! 見d電視電影成支針咁隊落去, 之後就會走火入魔 , 好恐怖呀! 而且支針咁長實勁痛, 所以係個心入面即時答"唔好!" 　想講出口之際, 花老爺同"一粒糖"就話針灸好, 因為刺激穴位好, 仲有"咩咩咩同pair pair pair"好...... 總之就好, 又唔會痛啦!! 而我當時又真係個胃好唔舒服, 於是......懷住十個驚同十個緊張開始.......

今日, 個胃又真係無咁脹, 舒服咗好多, 真係信不信由你!

星期六同我奶奶 & 阿ken大佬飲茶, 阿ken大佬個囝囝, 即係我個姪仔"雅治", 而家差唔多4個月, 好好玩, 好好笑, 我扮同佢傾計講講嘢, 佢就交足戲, 比晒表情笑笑口有時扮明白, 有時又比個疑問樣我, 好似要我講多次, 真係what cow!

<-小朋友指定動作-食手指, 好味!

到咗夜晚，我就同花老爺去撐檯腳，去咗Italian Tomato，因為我又想食意大利飯，而睇佢個menu有，點知...... ，個意大利飯無料到，只有3段仔矮瓜，而且個sauce唔夠濃，食落無口感，唯一好既就係個賣相，整得幾靚．至於個意粉就好好多，起碼味道唔錯，不過份量太小唔夠飽，攪到花老爺之後去咗麥記加料．

好耐無去做gym了, 因為之前病咗成個星期, d感冒成日都好似未清 , 有朋友叫我不如去睇睇中醫, 因為中醫先係由內而外, 治標同治本, 攪到我心大心細, 又想睇又唔敢去睇, 因為就算中醫點好都好, 我天生勁怕飲苦茶 , 唔知有無人飲過d中藥係甜而唔苦呢? 介紹下好wo

大家都知道我係阿梅既fans, 所以一開始知道梅媽媽為遺產打官師真係有d心痛, 點解姓梅既唔可以比阿梅好好安息?? 為咗錢......利用阿媽!? 你自己無手無腳做嘢咩.......? 日日游手好閒.....垃圾!! 好彩阿梅有立遺囑!!
梅媽媽, 阿梅作呢個安排已經係最好, 如果唔係你真係有機會10日唔駛比人呃晒d錢架. 醒下啦~

由細到大我都係一日一日咁長大, 無停過, 特別係呢幾年少咗運動, 食量又無變.....(甚至係大咗, 因為太多好嘢食), 所以真係越來越"幸福"了, 睇睇下相, 都差d唔認得自己, 好似吹脹咗咁, 真係吹脹~  

    --> 變大 -->    --> 再變大 -->

--> 再再變大 -->   唔知幾時先變小呢?

今日父親節, 大佬一早book好旺角既漢和韓國燒烤BBQ, 於是7:30就開餐了.

  <-- 老豆發揮小宇宙, 勁食~

食食下又影相, 不過老豆唔再問"點解又影相???", 因為已經習慣了!

西瓜同三文魚頭都好好味，睇湯師奶個樣就知啦　

星期一, 又係一早約好同杜比預祝生日 , 不過今日好”正”, 因為係我喜歡既outdoor節目, 但又唔洗晨早起身, 哈~ 開心開心.~~

行程:
1) 吊鐘洲 (吊鐘洞)
2) 火石洲 及沙塘口洞
3) 橋咀島 橫過(水上龍), 爬石, 寫大字

<-- 第一站係吊鐘洲既吊鐘洞, 太大浪, 所以唔可以再近距離點看.

  　<-- 有魚蛋同豆腐花係船上做Tea

 
^ 個天真係好美呀 , 估唔到傻瓜機都可以影到, of course 橋咀島現場仲美啦～

<-- 生日禮物當然唔少得啦.

前幾日有3日假期, 唔知大家有無休息夠呢? 我就無休息過. 星期6, 一早朋友B打比我話黑雨 , 叫我小心d, 因為佢知我一早已經出門口去爸比既wedding functions.

做姊妹既我順應要求穿白色裙仔 (我呢個黑衣人都不知幾耐無著白色) , 首先當然係玩新郎啦, 班兄弟好好玩好好笑, 特別係扮女人既兄弟, 真係”括”晒出去~

  <-- 當日d兄弟比我哋兩個仲香艷

  <-- 出門了~ 當然唔少得係堃哥既靚靚車牌

玩完之後, 個天好好, 無黑雨了, 所以之後過門同註冊都無影響到, 大家開開心心咁走來走去, 不過第二日我就…….勁倦, 仲有就係手痛腳痛……實在太忙又太high了!

  <-- 個註冊地方好靚呀! 勁影相~

晚上無咩雨, 大部份賓客都到齊, 見到好多舊同事, 好開心呀 ! 不過無啦啦比人"隊"咗杯紅酒

星期日, 承上文, 一早起身又倦又痛, 不過一早約好小明, 小B & 花老爺研究傳統中國藝術, 所以吃了糭之後就出發去"開工". "收工"之後, 成身散晒, 實在太忍唔住, 卒之走咗去做massage, 舒服晒！

<- 小明發揮"好客之道", provide咸肉糭, 簡水糭, 烏冬, 公仔麵, 真係多謝晒 

至於星期一去咗邊? 下回分解~

唔知係唔係星期6做 service 時落雨 , 又出出入入d冷氣地方, 星期日開始就有少少感冒徵狀, 個人覺得好倦, 不過仲可以同屋企人去dinner, 大食一餐, 無"事幹", 但到尋日星期一就勁流鼻水, 同打噴嚏 . 好彩我醒目, 星期日晚已經搵定感冒藥食, 食咗2日, 今日已經無事了, 哈~ 醒~~ (自己讚自己, 低能)

呢個天時, 大家都要小心身體呀! 特別係朋友C, 因為知道佢都病咗好耐, 學朋友乙話齋"唔通真係財多身子弱"? Anyway, 講笑咋, 你要多d休息同好好 take care la

上星期六, 天使社群同綠長青一起辦個活動, 就係同d公公婆婆去一天遊, 首先當然係晨早8:30am集合所有義工做breifing介紹行程、義工崗位及須知等, 跟住9:30左右d公公婆婆就開始到達, 10點起程.

第一站就係恆香餅廠, 去參觀佢哋人手做既整餅過程, 不過我估計只有少量係人手做, 大部份都係機器做, 所以係餅廠食既hand-made老婆餅特別好味.

第二站就係去流浮山買海味, 跟住就去食lunch, 最後當然係重頭戲國泰城啦.

<- 衛生問題, 大家要戴口罩先可以參觀餅廠.

<- 即食熱騰騰既老婆餅, 入面好軟熟, 個皮又好脆, 正! 個個食到咀lam lam.

    
 國泰城有位姐姐詳細介紹每個地方，好細心啊～