呢一日買咗車票自由行去水鄉朱家角，自由行真係好，可以慢慢行欣賞風景而且又relax．

一早起身買早餐係車站食．

呢個水鄉風景唔錯，而且好多香港旅行團去，四圍ｄ人都講廣東話，好有親切感，而呢度既特產阿婆糉又平又好味．

晚飯就去咗酒家食東坡肉．

第8日去咗上海動物園，因為湯老爺好喜歡睇動物，平時成日睇明珠台ｄ動物片，唔比人轉台

動物園ｄ動物大部分都好瘦又好臭，打理真係麻麻......始終都係大陸，無辦法！不過對於我哋無動物園既香港都叫做可以近距離見一下唔同種類既動物，好似犀牛，獅子，豹......等等，而最好睇就係以下既猩猩，funny~

－－－－－－－－－－－－－－－－－－－－－－－－－－－－－－－－－－－－

當晚去咗一間酒店同Amanda既婆婆親戚食飯，而我最喜歡就係呢個皮蛋豆腐，清新得嚟又香～

起身無無聊聊去洗頭 ，$18洗頭包半個鐘按摩，勁低！

之後去金龍船食冰鎮芥蘭，味道唔錯 ，而且佢哋未試過覺得好新鮮．

跟住去老電影high tea，呢度有好多舊明星照片同埋道具，而且佢既玫瑰花奶茶好好味，真係值得一去

晚飯係湯師奶下廚既鮑片豆苗同埋瑤柱生菜，因為湯師奶係香港買咗幾罐鮑魚同埋瑤柱送比襯家，但上海襯家又唔知點煮 ，於是今晚就由湯師奶下廚示範，而3個學生就傍聽(好彩佢哋個廚房夠大，不過佢哋好似掛住影相多過學嘢 )

見湯師奶下廚咁辛苦，我哋買咗個大蛋糕補祝佢生日 

第6日我哋又參加咗個local tour，今次呢個團真係麻麻哋，太趕，又多買嘢景點浪費晒我d時間，不過杭州真係幾靚，第時有機會自己再去唔跟團．

經過前５日既節目，湯老爺同湯師奶倦到一上車就瞓

西湖有好多靚景同浪漫既故事，好似《白蛇傳》《越浮西施於江》...... 行行下西湖我突然出口術話覺得好倦，又pair pair pair 同咩咩咩，湯老爺於是私人"醒"我幾下按摩，yeah~ (真係好爸爸呀！)

  跟住就去參觀絲蠶廠同試飲西湖龍井茶，不過其實都係叫你買絲蠶被同龍井茶葉 ，仲有就係呢兩個景點係用最多時間，真係頂佢！

最後就係去呢個靈隱寺，呢個地方好特別，相信有過百既佛像刻喺個山上面，真係鬼斧神工呀 不過呢度山路有ｄ踦驅，d石好似係云石而且好滑，大家睇吓下面個video feel下啦．

呢一日好hae，去咗食好出名既老鴨粉絲湯，食落真係好好味，唔錯！ 食飽飽之後去咗七浦路行街，不過無咩收獲，但係又行到好累，所以走咗去做腳底按摩and then dinner .

支雪條好cute呀！

呢個椒剁魚頭好辣，不過好好味，好滑好有魚味

  去到上海當然要去上海既旅遊名勝東方明珠啦．

  從東方明珠上面粒珠望落去真係有ｄ失望，因為上海發展得如火如荼，所以大部分都係地盆，個境唔靚 ，好彩星期二半價上去，如果唔係每人用$100(即total$600)上去真係揼心

  濱江大道好靚，你睇湯師奶幾開心！

之後坐船去上海老街同城隍廟，湯老爺就係南翔叫咗個成$45一個既小籠包，至於好唔好味??? 答案係好彩叫咗一個試下先 ．不過城隍廟建築就好靚好古色古鄉 ．

第三日，參加咗local tour去蘇州，蘇州既風景真係好靚，不過就因為太靚所以太多人了，差不多每次影相後面都會有人．

  人山人海既獅子林．

去到大陸當然係用番大陸style既拍攝姿勢啦，你睇幾咁嬌肖

  風景如畫，好美既"耦園"啊！

  成日聽既寒山寺，終於到此一遊！

今日既行程好豐富，特別係以下既坐船仔環節，好開心好有feel，不過大陸真係好大，呢一日行到大家都腳仔軟

Come again 去完魯迅公園，當然就係去魯迅既紀念館啦．

  你睇我幾有文化人既氣息

    跟住見到街邊有雞仔鴨仔賣，令我想起以前屋企都養過小雞仔．
而下一站係我既小楊生煎包，好味，不過好多人排隊......

跟住經過一條好"高"既隧道，去上海博物館(唔知鬼佬點過呢？)

  博物館既人好準時，一到5點鐘，就用9秒9時間拉閘放狗．

然後大家就從博物館走到外灘睇夜境，同埋去附近既上海佬佬食上海菜 ，結論係香港既上海菜更適合香港人!