星期日係我農曆生日, 阿媽急不及待買咗個蛋糕比我...... (其實係因為佢公司有新出品, 個個同事都買, 又話好食, 又話平, 又話咩咩咩, 湯師奶又跟人走去買.)

  <-- 個蛋糕係藍梅做, 中間好多blueberry, 味道真係唔錯!

  <-- 老豆趕住去開夜場, 食飽飯就拿拿林話要切蛋糕.

  <-- 有人送我生日現金劵, 我又可以去shopping了, 哈~

電話對話中...... 

花師奶: 填好份form未呀?
朋友B: 哎呀, 唔記得咗要填, 仲掉咗去垃圾桶, 等我而家即刻去垃圾桶搵番先.
花師奶: 唔係麻, 你居然掉咗!?
朋友B: 係呀, 唔記得麻, 我而家即去摷個垃圾桶.
花師奶: 咁污糟, 唔好摷垃圾桶啦~
朋友B: 咁污糟??
花師奶: 係呀, 垃圾桶有咁多垃圾, 唔衛生呀!
朋友B: 垃圾桶點會唔衛生呀???
花師奶: O 咀, 無嘢講.....dead air
朋友B: 我講緊係......電腦入面個垃圾桶呀 ~

大家: what cow! 哈~

感謝上天星期6比咗個sunny day , 所以我哋一行5人可以開開心心去"海陸空齋鮮", 至於點解會有"海陸空齋鮮"呢個節目title? 問杜比啦, 佢改既, 大家都可以同時估下.

"海陸空齋鮮"
1145 高空眼超超 – 東涌360車站集合(先到先買飛和排隊)
1300 降陸靜悄悄 – 昂平市內購物
1400 肚子又叫叫 – 寶蓮寺食齋
1500 精力再重現 – 心經簡林
1600 靚女要走先 – 再見昂平大佛
1815 型仔在岸見 – 彬向長洲
1900 公娜係咁跳 – 尋找海洋生物加過期平安包

<- 有人居然遲到, 我當然係打電話勁鬧啦

之前大家傾咗好耐, 坐唔坐360, 因為360實在太多意外, 好似好危險, 不過最後都決定博一博.

坐後感: 好激, 好緊張, 因為好大風, 覺得架嘢好似就跌就跌, 不過風景真係好靚, 好正!

<-- 到寶蓮寺食齋, 大家都讚口不絕, 好味道! 美誼仲要加湯, 哈~

  因為心經簡林位於高處, 大家已經係雲既中間, 好有詩意.

  <- 去到長洲當然係要買番個包啦.

  <- 食海鮮之前當然係食長洲好出名既魚蛋啦, 睇下大家幾兇悍!

今日總結: 原來食海鮮仲平過食齋

上星期五, 同杜比食lunch, 去咗食泰國海南雞飯, 佢好suprise 咁送咗個手袋比我做birthday gift, 好開心呀, 仲好襯我花師奶番工既造型  

到咗收工就同朋友B去買佢既假生果用來畫畫, 佢話要岩比例, 一比一, 又話搵好耐都搵唔到, 而我上星期就係佐敦見到, 於是帶佢去買, 佢勁開心, 無晒儀態係咁"炒"係咁"炒", 因為每個都係2蚊2蚊, 勁低!

而晚餐, 就係Italian food. 因為我好想食意大利飯.

<- 個湯好好味, 好濃郁

^ 三文魚同意式雲吞都好味, 個sauce 好creamy, 好香, 岩晒我, 不過個意大利飯就硬咗小小.

最後當然有甜品同意大利咖啡, 低讚個tiramisu, 好有咖啡味, 好sweet. 大家以為最多食45min既晚餐, 足足食了個半鐘.

差d唔記得講: 多謝晒杜比同朋友B

呢幾日都落雨, 希望落埋今日啦, 因為星期六日都有節目, 仲係outdoor添, 所以如果落雨就會玩得好麻煩.

仲有就係呢幾日落雨, 番工途中, 不停比人用把遮"隊", 一時"隊"頭, 一時"隊"背脊, 不過好彩無"隊"羅友, 所以快快快停雨!!!

星期一睇蘋果日報一段新聞, 驟眼睇, 仲以為係講朋友乙,  真嚇人, 以為佢咁激打巴人, 因為個當事人.....又係坐私家車, 又係手抱住嬰兒, &又係姓丘 (朋友乙結婚後跟老公姓麻, 哈~)

From apple daily:

【 本 報 訊 】 旺 角 上 海 街 昨 午 發 生 車 禍 ， 一 部 平 治 房 車 與 一 部 的 士 相 撞 ， 兩 車 共 有 4 人 受 輕 傷 ， 惟 平 治 房 車 上 一 名 手 抱 嬰 兒 姓 丘 女 乘 客 ， 竟 然 發 惡 腳 踢 的 士 車 門 及 掌 摑 的 士 司 機 ， 她 涉 嫌 普 通 襲 擊 罪 被 到 場 警 員 拘 捕 。
現 場 為 登 打 士 街 與 上 海 街 交 界 ， 昨 午 2 時 許 ， 一 名 姓 陳 （ 46 歲 ） 的 士 司 機 ， 駕 車 空 載 沿 登 打 士 街 行 駛 ， 並 右 轉 出 上 海 街 ， 另 一 部 平 治 房 車 ， 由 姓 簡 （ 42 歲 ） 女 司 機 駕 駛 ， 沿 上 海 街 向 油 麻 地 方 向 行 駛 ， 車 上 載 有 兩 名 男 女 及 一 名 嬰 兒 。 懷 疑 有 司 機 衝 燈 肇 禍 。

 

5月有咩好日子? 就係我花師奶年年都係"30歲"既生日(因為女人30 一枝花麻, 哈~) 

尋晚一班老友記同我預祝生日, 去咗新世紀廣場食泰國嘢, 足足15人, 當中有兩位係可愛小BB, Kawaii呢 and 熱鬧呢! 而食物方面都唔錯, 特別係冬陰公湯, 有隻大蝦, 正~
除咗食泰國嘢, 仲有堃哥既懷舊芝麻卷, 同大家prepare既藍梅cheese cake, 兩樣都係"賣飛化", 好開心呀! Yeah~~ 真係多謝晒!!!!!

  -> 人齊開飯咯

<- 豬頸肉好好味, 特別係個sauce, 好香, 好有泰式feel

  <-- 堃哥特別去買既懷舊芝麻卷

   <-- Birthday Dinner 當然有 Birthday Cake 啦

<-- 兩位可愛小BB  

尋日早餐因為食得好full, 本來想唔食lunch去行下街街算數, 點知行行下咁o岩撞到杜比, 大家都同時間問:"你食咗飯未?" 大家同時都答:"未", 於是乎就無啦啦一齊去咗food court 食lunch了, 食到一半, 大家都不約而同話本來想行下街街唔食嘢, 點知而家........真係what cow!

 <-唔食唔食,又咪係走去食壽司同印度長餅

  <-- 杜比條友居然將壽司點印度咖哩, 真係有創意, 我鍾意!

朋友B見我幾日都無update個blog就問我點解我個mother's day咁.......長......既? 哈哈~ 查實係我呢幾日一來公司多嘢做並且有d煩嘢跟緊, busy , 二來個手機又瓜鬼咗, 整完之後要用好多時間再重新install過晒d嘢, 勁慘! 所以先無時間同心情寫blog"姐", 不過點都好, 我個mother's day點都無朋友C個復活節咁.....長......

今日係母親節, 首先當然係祝咁多位媽媽快樂先啦!!

至於我就尋日一次過慶祝晒兩個母親, 下晏就首先同花老爺阿媽係屯門既漢陽苑食韓國燒烤lunch buffet, 跟手夜晚就有我花師奶大廚煮既愛心晚餐比我老媽子.

  <-- 我奶奶同花老爺似唔似樣呢?

  <-- 花老爺唔係好食得生嘢, 居然走去放件壽司上去煎, 真係what cow!

  <-- 花師奶大廚預備既餸菜, 好colourful

  <-- 我就煮餸, 阿媽就玩狗等開飯.

  <-- 大功告成! 有干燒蝦, 醉雞, 生炒骨, 魚, 竹生聖瓜, 炸春卷, 湯&節瓜老黃瓜.

  <-- 阿媽最喜歡吃生炒骨

  <-- 近來聽到有朋友飲Ice Wine, 令我終於的起心肝帶個開瓶器去順利開咗支買咗2年既Ice Wine, 好正, 不過我飲了一杯已經面都紅晒, 哈~

花老爺公司近來十個忙,   晚晚好夜先番屋企, 無10點鐘都唔洗指意可以離開公司, 所以番到屋企沖個涼都差唔多要瞓覺.

今晚仲勁, 居然話無2點都唔走得, 又有BIG鑊, 真係辛苦晒. 

呢個星期日就係母親節，大家會去邊呢？我就仲未有plan，大家有無 suggestion 等我參考吓.

Anyway, 祝大家母親節快樂！    

前日下午"爸比"約咗成班兄弟姊妹出來飲杯茶食個包, 講講佢結婚當日既 rundown & 遊戲. 好彩"爸比"當日接新娘唔係太早, plan 9 點, 總好過我結婚嗰時辰早 6 點幾, 大家都未瞓醒, 哈~

<-- Same as me, 到時會有10兄弟10姊妹, 熱鬧呀!
去完兄弟姊妹聚會, 跟住我就番咗順利食飯, 因為阿媽放早, 煲好湯呢

 <-- 5餸1湯, 白飯任裝.

  <-- 就到夏天阿旺剪咗毛, 變咗大頭狗

 <-- 大頭狗又比我"蝦", 哈哈~

今日係美誼生日 , 尋晚同佢同杜比一齊出去慶祝, 我哋收工之後去咗老尖食嘢, 最初話去食扒, 點知行行吓大家都倦, 是是但但去咗食小籠包. 去到餐廳壽星女一路都做"女長人"電話不離手, 左打右打去arrange佢公司既嘢, 佢老闆請到佢真係好

  <-- "女長人"食咁耐打咁耐電話.

  <- 我同杜比就睬佢都傻, 猛食猛影相. (魚咀好好味呀!)

食完飯之後, 大家遊盪咗一輪, 去咗老麥cafe食蛋糕倒數, 美誼肯定平時好早瞓, 係度打晒"喊路".

<-- 尋日我哋好為未來打算, 怕老咗無話題, 決定開始寫生日記念册, 記低每年TSM生日既行程同感受, 好開心3條友傻傻哋一齊顛