Tong 的个人资料~~~ 文 雯 舍 , 雯 雯 寫 ~~~照片日志列表更多  |  工具 帮助 |
5月中的大日子又來了~~ 中餐中餐係生日大大食會 : (5月24日 星期四 晴)
  今次生日大大食會有好多o野食，一個大字形容都唔夠，要兩個大字先可以！點解？ 因為散會之後大家都仲可以又食又扐。
至於有咩食？等我詳細講o下啦~
 一開始有我o地自制既"糖心"朱古力軟心 muffin 同香芒大蝦"傻仔"沙律，勁好味呀！特別係個 muffin，因為連蛋撻王子個"細路"都一面食一面讚話好好味，而且個樣仲好真心添
 ，哈哈．．．．．．成功！ 
跟住仲有: 大大食會宣佈開始，大家係o甘食係o甘食，好似勁食比賽，經過一輪"風馳電制"之後，唔知點解，檯上面既o野．．．仲有好多，食極都食唔完，就連堃哥都唔可以做清道夫，睇見佢有o左３個月，仲以為可以添，嘻嘻 今次大大食會要特別鳴謝朋友乙借出地方同一早買定晒o野 5月中的大日子又來了~~ 頭炮哈 哈 ~ ~
 我一年一度既生日又到了!頭炮係西班牙菜 : (5月21日 星期一 間中有雨)
  菜式有西班牙酒，西班牙乳豬，燒沙甸魚，墨汁海鮮飯，芝士蛋糕，仲有一個唔知叫咩既頭盤．
西班牙酒好好飲, 因為好fruity, 有好多生果係入面, 所以好易入口，亦都好易......醉
 , 唔覺一杯又一杯, 終於10幾分鐘後我開始面紅, 而且仲有d醉.之後主菜上檯 ~ 西班牙乳豬, 同港式乳豬有咩分別?? 就係佢個皮無o甘厚, 薄好多, 不過又好脆, 唔肥, 又有d似 Ribs 幾好味o架
  <------西班牙乳豬 (影得唔清, 要有想像力先睇到  .)西班牙乳豬之後, 就到墨汁海鮮飯, 因為西班牙飯會有sauce (有d似意大利飯), 而我o地又叫o左個墨魚汁, 一吃之下, 牙縫咀唇全部都係墨魚汁黑"蚊蚊", 所以就十分搞笑o甘食到個個變晒烏咀貓
 , 哈哈...... 至於生日禮物, 就係游水鏡, 話係最新, 唔知有咩咩咩technology, 大家居然係間高級既西班牙餐廳試游水鏡, 真係"what cow"!
 不過睇落試完咪又係游水鏡一幅, 都唔知個咩咩咩technology, 有咩咩咩function. 至於點解選呢份禮物, 十成十係因為上次去游水時我問過佢地借, 而以後唔想我再借, 所以就決定送個比我, 真係正一小氣鬼! (哈哈......講笑咋 )不過除o左食物, 禮物同酒之外, 最 enjoy 既就係我o地 3 個女仔天南地北一齊傾o下計, 吹吹水, 真係好relax, 好開心架!  HAPPY HAPPY ^ V ^ 要傢私嗎?各位朋友, 因為o係6月我會搬屋, 而現在會有些東西會多出來, 有需要的話請 e-mail: shermantong@hotmail.com 或 call 我. (請自行安排於6月12-16日由觀塘取走)
3座位梳化一張 (白色):
 <---- 唔包貓仔雙門高身衣櫃:
 組合櫃一個: 朋友乙的疑問朋友乙問我點解o係我個blog佢會叫"朋友乙", 問得好!
 (唔通佢想叫朋友丙, 哈哈......)其實係因為我當初寫朋友的時候, 費事響佢"個朵", 所以第一個朋友就叫朋友甲, 第二個咪叫朋友乙o羅, 見佢o甘問, 一定係唔係太喜歡朋友乙呢個稱呼, o甘就等我響佢"個朵"啦, 哈哈......(唔知佢會唔會打殘
 我呢? 哈.......)朋友乙 = Winner = Carmen Wan  母親節的一天上星期日係母親節, 朋友乙問我去o左邊, 我本來都想上來寫, 不過前幾日太忙, 無時間update, 等我而家報告
 一下啦 .5月12日 ~ 星期日天朗氣清, 我朝早買左扎花仔
送比我阿媽, 之後就同屋企人一齊去食個早飯, 不過唔係去飲茶, 因為一來平時成日都飲, 二來o個日一定10個多人, 所以去o左湯家飯堂"全記"開餐, 食o左我們這一家好喜歡吃的斑片炒西蘭花, 蟹子炒飯, 鮑你富貴e麵等美食 (不過我阿媽叫"魚春炒飯", 哈哈...... )之後我同爸爸媽媽,仲有阿旺(我家的傻狗)一齊去行山, 行咩山? 咪順利村行到去既飛蛾山......山腳o羅
阿旺果然係一個攪笑能手, 佢今次居然學周星馳, 跑跑下圈唔跑, 睇住你跑, 仲識跑番轉頭"周"你, 真係......哈哈...... 到o左夜晚, 我地一家人去左觀塘廣場食上海o野, 個間上海店d野食真係好好味, 個小籠包勁好食, 又多汁, d材料又新鮮, 當然仲有酸辣湯同埋回鍋肉啦 星期一眼訓麻? 聽個笑話醒神下!~ 蜘蛛和蜜蜂的婚姻 ~
蜘蛛要和蜜蜂結婚了。
蜘蛛問他媽媽：“爲什麽要我和蜜蜂結婚？”
蜘蛛媽媽說：“蜜蜂是嘮叨了點，可人家好歹是個空姐。”
 蜘蛛說：“我比較喜歡蚊子小姐。”
蜘蛛媽媽說：“別提那個小護士了，上次媽生病打針，她把媽打個水腫。”
蜜蜂問她媽媽：“爲什麽要我和蜘蛛結婚？”
蜜蜂媽媽說：“蜘蛛醜是醜了點，可人家好歹是搞網路的。”
 蜜蜂說：“螞蟻大哥不錯呀！”
蜜蜂媽媽說：“別提 那小工頭，整天扛著東西東奔西跑的，連部貨車也沒有。”
蜜蜂說：“人家喜歡隔壁的蒼蠅大哥嘛。”蜜蜂媽媽說：“蒼蠅帥是帥了點，可你也不能嫁給個挑糞的 呀！” 小強風暴小強係好多女人既死敵!
 好朋友甲最近因為屋企人番左大陸, 屋企得番佢一個人, 極度怕小強既佢好不幸甘三番四次見到小強
 . 前幾天就見到小強係佢洗手間走來走去, 於是佢就急call  我去"救命", 點知好可惜, 小強都係我既死敵, 於是唯有叫我家"花老爺"出手, 不出10分鐘, 我同"花老爺"換好衫帶埋屋企支剎蟲水出發, 去到朋友甲屋企, 小強居然............唔見左  , 我地花左一輪時間去圍摷佢都唔見, 死人野都唔知去鬼左邊, 正一玩野小強! 跟住就係唯有等朋友甲沖完個驚青涼 (因為怕小強突然出現), 我們就撤退回家了.尋日, 小強又再去搵朋友甲, 朋友甲又打電話比我求救, 好可惜我出左去, 今次幫佢唔到, 佢唯有急call 都係住同一條街而唔怕小強既朋友乙, 朋友乙今次終於見到小強了, 仲用張報紙好狠甘"車"埋去, 不過小強既生命力實在太強了,最終都係比佢走甩左 .而家我唯有祝福朋友甲呢幾日平平安安, 小強哥唔好再去搵佢啦! God Bless U!!溏心風暴近來晚晚睇呢個"溏心風暴", 真係越來越好睇, 見到大契同細契鬥演技, 勁呀! 當然仲有成日都甘青春既米雪啦.
 唔知"得得地"最後係唔係同"常在心"一齊呢? 等睇大結局先
Happy Birthday to WINNER!!生日快樂呀, WINNER!!
 又大一歲了, 唔知你今年有咩願望呢?
今日同Winner慶祝生日, 由下晏開始就"慶祝", 第一個環節就係研究中國傳統既藝術 - 打馬吊
, 中途4,5點左右仲切左個蛋糕，今次個生日蛋糕果然無選錯，好好味，好正，係栗子mousse，佢好香栗子味，又唔係太甜，啱晒我呀 ，而且見到壽星女都食得甘開心，真好！不過估都估唔到我家"花老爺"居然買左斤燒肉來賀壽星女，果然夠Chinese feel，雖然大家都覺得有ｄ搞笑，不過大家都好happy甘你一舊我一舊食鬼晒，無剩wo，今日燒肉王子無參加，真係可惜，如果唔係佢一定開心暴.
What Cow!5月1號係一個大日子, 因為除左係勞動節之外, 仲係位好朋友美誼同學生日, 我地3個女仔成日都話減肥, 點知o個日就去左帝苑食tea buffet, 真係"what cow!!" 肥死人, 不過帝苑d野食真係唔錯, 特別係芝士小蛋糕同tiramisu, 真係好香又好味, 不過實在太飽了, 所以食唔到好多.
 5月係一個生日既旺季, 有美誼啦, Grace啦, winner啦, Anita啦, Maggie啦, 當然係仲有我啦,
哈....... KFC真係KFC fans, 雖然知道食家鄉雞又肥又高膽固醇又熱氣, 但又真係好鬼好味, 成日都心思思想食, 因為佢又脆又辣又香, 又熱騰騰........攪到我無論幾年前去美國, 去泰國旅行都有去佢地既KFC, 味道真的控制得好好,
都係甘好味呀!!! 唔知第時有無機會試晒世界各地的KFC呢? 向世界出發 ~~ |
Thank you !! 
|
|
