同朋友B一樣, 我有九十個理由, 真係"人在江湖,身不由己", So上星期五同六都去咗BBQ.

星期五晚去咗警察俱樂部, 因為有同事搵工跳槽, 做埋呢個月唔do, 所以同佢farewell.

<-- 其中一個同事係輔警, 你估吓係邊個?

星期六去咗西貢科大附近既BBQ場, 係預祝Winner生日, 當日佢仲帶埋個囡囡去, 可能琳琳第一次去郊外, 又或者我哋實在太恐怖, 佢一晚喊咗N次, 有一次仲係我有份, 嘩~ 好驚呀! 我無心o架! 見佢老豆個心痛樣, 幾驚佢打瓜我呀

  <-- 琳琳開始時雖然有d眼瞓, 不過都仲可以抱同玩

   <-- 後來就要愛心爸爸抱抱

<- 嘢食個樣ok,不過食落...

  <- 生日當然唔少得birthday cake啦, 唔知升級阿媽既winner係唔係許願個囡快高長大呢?

終於比朋友發現咗我既日常生活都係得一個字,就係-"食"  

朋友仔問我點解個blog既post有99.99%都係關於食, 我即刻唔識答, 因為平時無留意, 講開又覺得係, 唔通.....我真係只掛住食?

點算好呢?  coming仲有2個BBQ, 唔知到時post唔post好呢? 定係唔好去呢?　

剛剛星期日，輪到湯家去拜山 ，一早我哋就起身去飲早茶(其實已經係10點)，跟住就大家分頭去買嘢，我就去買花同生果，老豆就去買燒鴨同燒肉，大佬就去買糕點，然後一齊去買衣紙．

飲茶食ｄ咩？
<-- "老練"咁大個既.....大包

   <-- 大家都係既.....蛋散

夜晚當然唔少得要係順利村食飯，因為太多餸了，又有燒鴨燒肉，又豬手，又鮑片，又煲湯．．．仲有就係我上海阿嫂弄既紅燒桂花魚，味道好 ，而且仲好有上海風味，不過唔知係唔係ｄ魚平日晒太陽無擦太陽油，晒黑咗．

　<-- 正宗上海人整既"上海紅燒桂花魚"

上星期五係阿媽生日，大佬話旺角既泉將居好出名，好多人去，咁當然一定要去試吓啦．

好出名既梅菜扣肉同鹽焗雞，隻雞好彩叫咗半隻，因為好鬼大隻.

<-- 你睇湯師奶食得幾開心

  <-- 大家都斜睥個翅　

　 　  <- 又係大合照時間，老豆依然係問"做咩又影相？"

前幾個星期整桂花糕失敗 , 我決定再接再厲! 今次我改用咗用魚膠粉, 結果係成功  

  <- 今次整到剛剛好軟熟,d桂花同杞子無再沈底, yeah~

  <- 幾通透, 又好味   但有待改良一下個賣相.

今次做法:
熱水 250 ml, 凍水 200 ml,  魚膠粉 30 克 (約3.5湯匙), 砂糖 100 克,  桂花糖 2 湯匙

1. 首先將魚膠粉 + 砂糖 (混合) 拌勻，然後另外熱水 + 桂花糖 (混合) 拌勻 
    (魚膠粉坐於熱水中, 比較易溶 )
2. 將以上兩種材料混合拌勻至完全溶解 ，再加入凍水拌勻 。
3. 慢慢倒入膠盒，再放入雪櫃冷藏大約 30 分鐘。 
    (桂花糕放入雪櫃後, 約三十分鐘左右拎出嚟攪拌一下,
      目的令沉下的桂花可以平均分佈, 一定要半凝固狀態下攪)

貓仔平時最喜歡喺我用電腦既時候, 喺張電腦台上面......

<-- 睇下你玩咩先

  <-- 都唔好睇，玩手仔好過

  <-- 玩咁耐,唔等你, 瞓先 ZzzzZzzz

星期日，朋友ｃ話喺msn見到建築界巨子堃哥，大家吹吹吓水就話不如出嚟食飯，跟手朋友ｃ就call我，點知我已經買好晒當日既晚餐，所以改尋晚食飯，跟手我又call朋友乙問佢join唔join，佢問我咩事咁多人食飯？ 問得好！因為我都唔知～

 5條友無啦啦去雅蘭食飯．

 又唔知點解叫個心形飯 呢間嘢d食物幾好味，不過衰在樣樣都係4件，總有一個無得食．

跟住走咗去食甜品，我哋4個榴槤友就叫 榴槤飄香 + 榴槤卷，而朋友C就叫個"食唔飽"既紫米露

 4月3日係花老爺既生日，一早我哋已經決定好去長洲買魚蛋，因為嗰度ｄ魚蛋真係好好味，好彈牙，又好有魚蛋味，連花老爺都話一流

  <-- 坐12:15ｐｍ既船出發，半個鐘左右就到，快！

首先行一陣，然後去食嘢：

　  

好味又彈牙既魚蛋除咗即場食，仲買咗ｄ番屋企食：

跟住就辛苦一點，因為開始行山：

   　<-- 小長城

   <-- 花瓶石

  <---人頭石，似麻？當時見到覺得好amazing，但又覺得有ｄ恐怖．

行完一大輪，就去吃海鮮晚餐，勁平，勁正  因為任選 4個海鮮 or 餸 or 湯都係$158，無加一，仲係海邊既"Table for two"，而我哋就叫咗椒鹽鮮魷，蒸扇貝，蒸聖子同埋西湖牛肉羹，正～