星期五晚, 突然之間好想try下整桂花糕, 跟手就上網睇睇點做. 然後去買材料, 網上有幾個方法, 我今次try咗以下呢個.

材料:
清水690ml
大菜10g
冰糖 120g
桂花糖 一湯匙

做法:
1. 大菜切碎，用清水浸約10分鐘後，瀝乾備用。
2. 將冰糖、桂花糖及大菜加入，煲至完全溶解，熄火 。
3. 倒進糕盆中，放涼後 ，放入雪櫃內冷藏至凝固，即可進食 。

結果:
   
個樣ok, 不過.....失敗, 唔好食, 因為屋企無磅, 我就費事煩成包大菜放晒入去, 點知......成個糕硬咗唔鬆軟, 而且d 大菜同桂花又沉晒底

為咗改善，我上網再睇睇，原來有竅門：
- 桂花糕放入雪櫃後, 約三十分鐘左右拎出嚟攪拌一下, 目的令沉下的桂花可以平均分佈
   (一定要半凝固狀態下攪拌）
- 模用冰水"浪"過後比較易起模

下次我會try用魚膠粉既方法：

桂 花 糕 材 料 : (份量 ~ 1 層)
熱水 250 ml 凍水 200 ml 魚膠粉 30 克 砂糖 100 克 桂花糖 1-1.5 湯匙

椰 汁 糕 做 法 :
1. 首先將魚膠粉 + 砂糖 (混合) 拌勻，然後加入熱水 (拌勻) 至完全溶解。
2. 再加入淡忌廉 + 椰漿落去 (拌勻) ~ 不要打至起泡。
3. 倒入預先用凍水掠過膠盒 / 糕盆內，待放?後放入雪櫃冷藏大約 30 分鐘。

桂 花 糕 做 法 :
1. 首先將魚膠粉 + 砂糖 (混合) 拌勻，然後另外熱水 + 桂花糖 (混合) 拌勻  (魚膠粉坐於熱水中, 比較易溶 )。
2. 將以上兩種材料混合拌勻至完全溶解 ，再加入凍水拌勻 。
3. 慢慢倒入之前放入雪櫃以凝固的 『 椰汁糕 』上，再放入雪櫃冷藏大約 30 分鐘。

尋晚收工之後, 經過生果店, 見到有柑賣, 大大隻12蚊4個, 於是就買咗番屋企慢慢品嚐.

而係食食下柑既時候, 就想起花師奶既囡囡叫阿柑, 於是就搵咗花師奶出來影下相, 開心下  仲記得花老爺買花師奶時, 佢朋友問:做咩買隻咁樣衰既公仔? 哈~

 <-- 我真係咁樣衰?

好開心既復活節4天假期好快就過咗, 真係快樂既時光過得特別快.  

星期五晚係屯門屋企dinner, 跟住同貓仔玩, Relax~

星期六番咗順利村, 同老豆食飯, 同阿媽爭麻雀打, 同隻傻狗玩, Happy~

星期日去飲茶,跟住去探契女同研究中國傳統既藝術. 契女成日笑, 搵人講BB話, 想人抱, 我忍唔住抱咗一陣, 不過之後勁手軟, 契女真係唔少嘢, 有份量, 但抱佢又好開心, 好sweet ~

星期一打羽毛球, 邀請咗朋友甲乙, 無一個到, 可能我唔夠誠意, 太遲約, 最後得我同花老爺打, 而我居然可以打到成粒鐘, 肯定瘦晒, slim~

呢個復活節無帶相機出街, 所以no photos.

1. 復活節是為了紀念誰人的？
    A.屈原    B.貝多芬    C. 耶穌  

2. 小孩子喜歡在復活節吃甚麼食物？ 
    A.月餅    B. 復活蛋   C.年糕

3. 耶穌死後第幾天復活？
     A.第三天  B. 第二天  C. 第十天

答案:

復活節是紀念耶穌復活的節日。在外國兒童的心目中,它已經成為歡樂的節日,而復活蛋就是這歡樂的象徵。事實上，復活的真正意義乃是愛的施予和犧牲。

二千年前，從耶穌降生在伯利恒城的馬槽裏開始，每一天，人們都希望衪的愛能把世上所有的人連結在一起。

直至一天，衪被那些嫉妒衪的人釘在十字架上,用衪的血洗去世人的罪。而三日後，衪復活了。故人們把紀念耶穌復活的日子定為復活節。

「復活蛋」因為一般西歐人士相信蛋是有兩次生命的，第一次是「新生」，第二次則是「重生」，重生也就是象征了復活的意思。
「白兔」是表示和平與愛，也代表歡樂的意思。

人哋話創業容易守業難, 原來呢句說話都可以apply係blog度 ~ "創blog容易守blog難"

見幾個朋友仔寫寫下都無寫 , 唔知幾時輪到我呢?

呢幾日好忙, 因為公司annual dinner, 係老尖既YMCA食Buffet, 而我就要做MC, 所以無時間寫blog.

 <- 節目後大家都讚好，多謝晒&放心晒！

<-- 咁開心，大家飲杯！

  <-- 有"賣飛佛”blueberry cheese cake

<-- 抽唔到獎，唯有拎扎花番屋企當禮物

   <-- 散場後開心到唔走玩影相 

尋日lunch同杜比去咗食壽司, 食食吓既途中, 佢突然  想將wasabi 放係個杯度, 仲係咁"筆", 係咁整.

我見到問佢: 做咩呀你?
杜比話: 唔可以加既咩?
我即刻 O 咀 look 大眼同佢講: 你加wasabi 係杯茶度做咩呀?
杜比望一望自己手上既嘢, 然後都 O 晒咀話: 吓! 唔係茶粉咩? 
跟住自己係度解釋一大輪: 我見有個樽, 又係綠色麻, 又係 ........ (下冊一百字)
呢個時候我已經忍唔住係度大笑, 當然, 杜比自己都忍唔住自己呢個傻仔行為, 自己都笑到出唔到聲, 而我仲慘, 笑到肚痛, 因為......最搞笑係佢隔離個男人見到杜比既 "on 膠 膠" 行為, 好想笑又唔好意思笑, 成個忍樣 ~ 忍笑樣最底死.

總結: 過咗1個開心快樂既 Lunch Time! 更深信呢個世界真係咩都有可能.

星期日去咗明仔屋企，好耐無見既小榮終於出現，因為自從上年見過佢之後就無見了，連佢生日同新年都話好忙，大家一齊團拜時都唔見人，我哋當然無所謂，　因為可以慳番ｄ利是，哈 ～ 

至於個日節目係咩？　當然係打麻雀啦．

星期五晚番咗順利食飯,好開心呀! 因為有蟹同燒肉,正!

  <--- 隻蟹好鮮甜，好好味，所以係忍唔住食完先影相．

  <--- 隻蟹同燒肉係老豆買，所以佢係咁食，影佢都唔理．

星期六，係Holly即係我表姐結婚，所以一家人總動員去飲，恭喜　

<--- Mega Box既喜百合好多靚靚水晶燈

<--- 而回禮小禮物都係水晶～蘋果

<--- 未有嘢食，鬥影相．

<--- 合家照