尋晚同美誼杜比去食飯, 大家下晏係msn商量咗一大輪,  一陣又話食韓國燒, 一陣又話食印度嘢, 講講吓仲無厘頭話食糖水, 食雪糕...... 最後決定去食齋.

尖沙咀既喬妃齋, 係蘇杏璇開, 剛剛尋晚佢係度, 仲由佢招呼, 所以特別好, 而且家下d 齋好多花款, 又乳豬, 又鴨又蝦, 仲好有口感, 不過就因為呢間嘢太多人, 所以食完就要"拿拿林"走, 無得留低吹水, 故之後去咗Haagen-Dazs坐, 因為無咩人, 可以坐成2粒幾鐘, 不過我哋係Haagen-Dazs唔係食雪糕, 係飲嘢.

 <--- 美誼去韓國旅行既手信

齋老味同乳豬都好好味

 
有我喜歡的桂花糕, 仲yummy yummy, 所以我又食又扐

之後去咗飲嘢, 睇相同吹水.

星期日一早同屋企人去mega box飲茶, 之後去咗探我個222出世既姪仔.  即係我老公既大佬既老婆生既BB.

  <--  德興既流沙包唔錯, 你睇大家個食樣就知啦, 哈~

  <-- 老豆話做咩又影相

好可愛呀, 居然係度偷笑   真好!! 又多個BB比我蝦, Yeah~

尋日元宵佳節, 一早book咗羽毛球場, 所以我哋就好熱鬧咁3pairs 6個人去咗打羽毛波.

  <--- 朋友B同佢先生打波好似跳舞

<--- 你睇花老爺同小明幾咁合拍，目光幾咁一致～

<--- 之後去咗友愛村既茶餐廳食嘢，間餐廳轉咗手，又貴又難食，你睇呢個係咩？雜菜煲wo  真係what cow!

今年又join 咗馬拉虫, 本來應該有5個人參加, 不過就好似10個救火的少年, 最終得番2條友仔.

我估渣兜馬拉虫唔係for我哋d "新界西"人參加, 因為地鐵, 火車都4點幾有車, 比d 選手搭車到開跑地方, 唯獨西鐵無早開, 真係what cow!!  所以一早4點幾5點我要坐的士再轉通宵巴士 => 早早起  +  重重皮

 6 點左右到達維園, 天都未光, 不過成條街就好多人好熱鬧, 簡直好似行緊年宵 .

v--- 見到福娃掛住影相 delay晒開跑時間

  <--- 開跑時天都未光, 仲有街燈

<--- 由天黑跑到天光

<--- 完成, Yeah!

<--- 辛苦跑完去飲茶

我既情人節唔係去燭光晚餐, 亦唔係去海邊漫步, 就係同花老爺去咗唱 K 連 buffet, 都算"時毛", 哈哈~   至於邊個提議? 當然係我K后花師奶啦, Yeah ~  

<--- 間房係藍晶靈主題

大年初二，一早起身（成12點幾都叫早,哈~)番順利村拜年，阿媽已經煮定開年飯，而我老豆就一面打機，一面睇住"細路電視"等我哋番，所以一出 lift，唔洗拍門，已經中門大開，好似貴賓咁既招呼，真開心！

食完開年飯，我哋一家就去咗姑媽屋企拜年，吹吹水．姑媽＆我阿媽，你又比ｄ橙我，我又比番ｄ朱古力你，你比ｄ利是我，我又比番ｄ利是你，比來比去，交換咗一輪先肯走．

之後去咗德福high tea ，老豆話要飲coffee，咁就當然係同佢去starbucks啦，叫咗3杯嘢飲，成為$90幾，真係恭喜佢個發財，老豆仲話佢唔夠咖啡味，真係what cow！

年初三，赤口，照去拜年，首先去同事屋企拜年同探BB, 之後去咗明仔屋企，首先玩吓Wii，我就同花老爺玩咗奧運跑步同拋沿球，之後朋友B居然玩．．．吹蕭，仲玩得好投入，好有一手，真係估唔到佢既興趣係.....音樂．

唔少得既當然係開枱啦，大家為咗應節"赤口"食胡又鬧，無胡食又鬧，慢ｄ又鬧，呢樣又鬧，嗰樣又鬧，仲熱鬧到比人上門投訴， 哈 ～

   <--朋友B玩吹.....蕭

<--- 叫咗個KFC, 話明每人兩件雞, 點知一開始有人就食咗3件, 你估吓係邊個?

年初四，晨早就有人來拜年，係花老爺ｄ阿ｅ，仲有幾個小朋友，佢哋勁喜歡兔仔，而平日”過度活躍”既表弟仔，今日竟然好乖，無走來走去，無大叫，無打人，真係新年快樂！

３點幾終於可以來個午睡休息吓，養足精神聽日番工，點知比人打電話嘈醒，又瞓唔番之下，唯有同花老爺去買嘢，租"投名狀"睇，今晚又開開心心一面睇戲一面食我最喜歡的”打邊爐”，Yeah~

尋晚到我屋企食團年飯, 本來plan去唱K, 不過一來我老豆感冒唔係好唱到, 二來我大佬又話忙, 所以改咗去酒樓食飯.

不過mega box呢間醉紅樓麻麻地, 唔底食, 因為貴之餘係無嘢食, 報稱既海鮮籃入面無海鮮, 栗子雞煲就9成都係栗子, 真係頂! 唯一好小小既係個翅真係有翅law.

雖然嘢食麻麻, 不過一家人坐埋食飯, 吹吹水, 仍然都係咁enjoy!

蔓珠莎華, 舊日艷麗已盡放 ~

佛典中說蔓珠莎華, 是天上開的紅花.

日本語<彼岸花>的別名就是蔓珠莎華, 是說一種紅色的彼岸花.

蔓珠莎華在日本的花語是"悲傷的回憶", 相傳此花只開於黃泉, 是黃泉路上唯一的風景.

星期五晚同花老爺,芭比& Keyboard 去睇蔓珠莎華, 實在太好睇了, 戲中做番好多阿梅既形象, 有新秀, 壞女孩, 豹妹等......勾起想念阿梅既情緒, 特別係最後一part的"再生", 真係忍唔住流下眼淚, 太touching了, 花老爺就話見到成場好多女士都喊, 我相信佢哋同我一樣都好掛住"佢". I Miss U much, Anita!!

睇完之後, 我哋一齊去咗dinner, 當然就係拍照留念啦.