12月26日boxing date，4條女8條腿進行久違了既行山活動，由山頂行到去薄扶林水塘．今時今日既行山活動已經唔同以前，勁輕鬆 ！

就係呢4條女8條腿行山

沿途有d白色靚花花同好似紅提子&藍梅既果子，不過大家都係唔知佢哋叫咩名，知既朋友請指教，thank you！

   欣賞緊風景既時候，無啦啦唔知做咩要踢腿，唔通想show 42吋長腿？(不過好似40吋都唔夠wo...)

每人都帶咗d嘢食去，大家分"柑"同味

行完水塘之後既景點係伯大尼教堂同埋HKU宿舍　 呢兩個地方都好有歐陸色彩，又有ｄ似澳門ｄ建築物．

之後就去中環睇聖誕樹同埋食日本聖誕大餐 ，今晚杜比short鬼咗，勁食！咩鬼嘢都要，仲要臨尾自己隊成碗烏冬 ，真係what cow!　至於我交換到既聖誕禮物係......大家每日都要著既，估下啦～

平安夜晚，去咗天水圍小明家一齊開P ，食飽飽之後男既開始打麻雀，女既係度玩恤髮

恤髮前後，different style  

聖誕日晚，去咗西貢BBQ，今日好開心有獎抽 ，而主持抽獎既就係豬豬同朗朗，兩位小朋友勁搞笑

    抽抽下獎，朗朗走出來扮嘢搶鏡，而聖誕禮物我就抽到我不嬲都唔鬼用既mask，唔通上帝都要我執執個樣？

  粉絲支持我既指定動作，多謝晒

上星期二我們這一家提早慶祝冬至，皆因要就番湯師奶番工既schedule．當日阿爸話要去金龍船，大佬又話要去富臨，最後......都係去咗觀塘富臨，因為可以就埋我收工麻

飲杯 ～ 點解咁多啤酒? 因為有試飲，試飲之後大贈送law，開心開心

好豐富呀，有龍蝦同埋燒雞．當日原來仲係湯老爺同湯師奶既結婚N周年，真係恭喜恭喜

下一站就係去氹仔

首先去咗宮也街既公雞食葡國餐，不過我同花老爺都唔係好識欣賞，特別係網友大讚呢個馬介休球，我只係覺得佢係一個炸薯蛋 無特別！

跟住係街邊食既榴槤布甸，coffee shop食既鮮忌廉蛋糕同木糠蛋糕都好好味，鮮忌廉好special，入口即溶

最後一個景點就係威尼斯人酒店，呢間酒店好大，好靚，個天花係藍色既天空，仲有條尼羅河，而我哋去既住要目的就係食buffet，因為佢有無限量供應既長腳蟹，好美味，好鮮甜，仲有源源不絕既三文魚刺身，甜品等等 ，呢d都係我既"賣飛化"，而且以$200既價錢，有5星級 既食物同服務質數，真係超低

食飽飽之後，我就懷住依依不捨既心情番香港，因為第二日一早要番工  

去完澳門既名勝大三巴同聖母玫瑰堂，仲拜訪埋盧家大宅．之後當然就係食吓澳門既土產葡撻，豬肉乾，蛋卷．係呢條街真係試食都飽晒，好彩之前個早餐係咁意 .食完一輪之後，就出發去澳門既旅遊塔，因為係朋友Sam介紹花老爺，所以點都要去睇下 ．

盧家大宅是澳門盧九家族的大宅，落成于清光緒十五年(1889年),所以佢d門窗都好有古代feel，個樓底仲好高好高，比起而家d新樓就係差好遠好遠．

澳門既葡撻真係好美味，因為佢個"so"皮好鬆化，唔太甜，熱騰騰，一句講晒，正！

澳門既旅遊塔雖然起咗好耐，不過我都未去過，今次係第一次

上到去有62樓可以比你感受「大地在我腳下」既飄飄然，就係喺透明玻璃造地板上行走，不過真係要好有膽量先得，好似我咁就勁驚唔敢行，真係腳都軟埋 ，不過唔知點解花老爺就唔驚...仲係度行來行去跳跳下，真係what cow!

  旅遊塔有笨豬跳玩 ，細膽既我當然唔會玩，因為實嚇鬼死

12月10日Leather Wedding既正日，9點鐘起身之後係酒店食完早餐(個早餐完全唔得，太多人，re-fill 唔切，咩都無！)So,只係食咗兩啖就出發去澳門既名勝大三巴同聖母玫瑰堂．

 「三巴」這個名字是來自於「聖保祿」的葡萄牙文（São Paulo），而「大」是指最大的教堂，故「大三巴」是指「最大的教堂」。聖堂創建於1580年，在1595年和1601年先後兩次失火焚毀。1835年1月，教堂起火，最後剩下教堂的前壁。由於教堂前壁形似中國的傳統牌坊，故本地人便稱之為「大三巴牌坊」。

 聖母玫瑰堂呢個地方係我第一次去，真係好靚，好大，而且入到去個感覺好peaceful，亦都feel到耶穌基督&聖母既愛

行完漁人碼頭影完相之後, 我哋就決定番酒店抖一抖, 見到地圖漁人碼頭同利澳酒店好近, 於是就步行去, 果然15分鐘 都唔洗就到咗.  休息睇完一陣電視, 就出發去永利賭場睇睇, (因為同事介紹話呢間酒店好靚), 入到去真係唔錯, 而且地方好大, 比起以前d賭場好好多, 仲有非吸煙區個度好

利澳酒店唔錯，間房新淨夠大，有LCD TV，而且有張6呎x6呎既大牀

去永利賭場玩到差不多2點，個肚開始打鼓，於是去飲杯茶食個包 ，去咗間24小時既鼎泰豐食蟹粉小籠包．至於係永利既收場係......敗！

太好了！今個星期三12月10日係例假day-off，因為呢日係一個好好好特別既日子，雖然只放一日假我都好好好開心

So, 星期二，收工之後我"拿拿林"趕去港澳碼頭，因為約咗花老爺一起去澳門慶祝我哋既Leather Wedding(皮婚) ．

第一站係去愚人碼頭......唔係，應該係漁人碼頭，可能係平日既關係，所以遊人唔係太多，不過ｄ風景好靚，building好有歐陸色彩，好有休閒既感覺，而我哋首先就係去搵嘢食醫肚，見到有間非洲村，個環境好special，好有特色，不過佢只有buffet，所以放棄，之後再行下行下，見到一間日本嘢好多人食，而且個肚又餓到打晒鼓，於是就唔理三七二十一去埋一份，結果原來係因為有特價買４送１．

　   落船之後行去漁人碼頭，第一時間當然係醫肚先啦

個燒鯖魚我同花老爺都讚不絕口，而且佢呢間日本嘢有好多特別壽司，例如 XO 醬鰻魚壽司，咖哩三文魚壽司，西柚加鹽火炙三文魚壽司等等，味道都唔錯

　食飽飽之後 就四圍行下，影下相，欣賞下呢個充滿歐陸色彩漁人碼頭 

星期日同Amanda去咗整頭髮扮靚靚, 由下午1點幾開始, 又染, 又treatment, 又電, 又high light, 攪到成差不多6點鐘, 到底我個頭有咩唔同？？？同之前有咩分別？？？

  <-- 兩個都係新形象......

整完頭，番咗順利食飯，今晚有椰子煲雞湯，好好味呀

各位好友，较早前問過大家有無興趣聖誕節燒烤，有関資料已經查詢過，因為要訂位，請各位於十号之前回覆 。

以下係燒烤場網址可供參考：

http://hk.geocities.com/saikungbeach2002/index.htm

時間：大約六點半

地點：西貢大網仔（舊海灣酒店旁）

收费：$168

另外，請每人準備一份$100以上嘅禮物用作交換禮物。

某日既開心lunch, 食咗隻好好味既溫泉蛋, 入面剛剛好, 半生熟, 正呀! 所以忍唔住要影張相

兩位生日主角: Rachel & Willy, Happy Birthday!!

一個大人多過細路仔既老麥生日會

玩遊戲呀～　Happy!