今個星期一day off，杜比同美誼攞咗假大家一齊出去玩 ，e-mail來回一輪之後，最後決定扮”The Terminal 機場客運站”玩轉機場．

一朝早番咗大家有美好時光既地方食早餐，就係CityU，而家剛剛係選莊既時候，有好多人大叫”支持ｘｘｘ!!!”，真係好有feel，成個人好似番咗去讀U時咁後生 ．

食飽飽之後就開車出發去The Terminal 機場客運站.

去到機場客運站，第一個節目就係去i-sport玩CrazyBeat，好似打Boxing咁 ，係咁打個杷，估唔到人仔細細既美誼係最高分，真係what cow!

     第二個節目就係睇呢個4D戲，勁少人！我哋好似包咗場咁，係入面慢慢選位，跟住又影相又傾計，套戲中間有ｄ水 有ｄ煙有ｄ風有ｄ波波有ｄ閃電，不過１９分鐘就真係短咗ｄ，如果長ｄ會更好！

至於第三個節目下回分解　

11月有兩位壽星女 – Abby & Jazz，上星期大家就為呢對壽星出咗去食飯．

我禮物小姐 今年送生果比呢兩位壽星女，祝佢兩位今年生生猛猛，成年都係開心果

好耐無去過愉景灣了，星期日同花老爺去行吓拍吓拖仔．

呢度好似一個小既聯合國，四周圍有好多外國人，有美國、英國、日本人等等．．．．．．好有外國feel，不過可能星期日開始凍 ，所以愉景灣比較少遊人唔係太熱鬧，而且呢度無咩行，我哋2點幾去到5點幾就走人， 之後去咗東涌行街街食Tea，食我喜歡既椰汁糕.

逼學生扮狗     女教師受批

觀塘新生命教育協會呂郭碧鳳中學一名資深數學科女教師，為懲罰六名遲入班房的學生，要他們在眾目睽睽之下扮狗及主人，最少一人被迫做出蹲下的動作。校方承認懲罰方式並不恰當，不排除紀律處分有關老師。由於昨日是學校假期，校方下周一會接觸學生跟進。
老師罰學生扮狗事件，發生在上月 28日，六名中五男生在午膳後遲了返課室上堂，引起數學科姓盧女教師不滿，要他們在全班同學面前受罰。該校校長劉文輝接受查詢時表示，有關老師當時是懲罰其中三人扮主人，另外三人扮狗，老師只要求學生自行發揮狗對主人的動作，其間有一名學生蹲下，一名學生擁抱主人，另一學生則未有動作。校長表示，該六名受罰學生平日嬉皮笑臉，老師只是跟他們開玩笑，絕對無意侮辱學生，有關老師已感到內疚及悔意。
教育局發言人表示，已聯絡學校，得悉校方正了解事件詳情並作出跟進。發言人指，學生出現違規行為時，教師應採用正面及積極的方法，促使學生改善不當的行為。如需懲罰違規學生，應施行具有教育意義的懲罰並兼顧學生的自尊，並符合現行法例。

唔係麻，真定假呀？

我花師奶都係喺呢間中學畢業，好彩嗰時無遲到”姐”．

尋日，有兩位老友過咗觀塘搵我食lunch，見佢哋lunch未試過打邊爐，於是就去咗牛陣，”十下十下”!

大家覺得牛陣都ok，因為有好多菜同菇，而且碟牛肉唔太肥唔太瘦適中，不過個湯底就甜咗d．

我而家儲緊呢個熊仔既分, 各方好友如果有的話, 請給小妹, THANKS!!

每年年尾，就開始好多飲宴 同functions，一個排住一個，好似呢個11月就已經有4個，真係恭喜晒大家，而12月就有我大佬結婚擺酒，到時女家既上海親戚會飛過來，一定會好忙，話晒要盡地主之誼帶佢哋玩吓香港，不過最衰我resign咗，唔可以再攞Annual Leave ，只可以係day-off陪吓佢哋．

自從resign咗之後，番工輕鬆好多，好多唔合理既嘢都願意主動去做去應付，因為知道只係要做埋呢兩個月就脫苦海，哈～

今日下午請咗半日假去咗睇居屋既示範單位，本來想上個星期六日去，不過怕太多人，所以都係留番平日先去．果然無錯！因為同事話星期六日去要等成個半鐘先有得入，但係我同花老爺今日去就勁爽 ，可以直出直入，仲睇完再睇

唉……話有單位向海等我鬼咁開心，睇吓原來只係得一條空隙見到，反而向山好似仲好d．點都好啦，今次咁多人抽，都係等抽到先再算 祝我好運~

海洋公園舉辦咗好多年既Holloween，細膽怕鬼既我咁耐都唔敢去，尋日終於第一次去，點解？？？因為朋友甲既姐姐有免費飛益我同花老爺，於是我就膽粗粗去一次，當睇吓見識吓，點知．．．．．．差 d 嚇瓜我 仲有就係朋友甲身受重傷，差d比我”練”斷手

第一站係去冥通中心，入面黑”媽媽”，而且好多鬼彈出嚟嚇人，嚇到大家we嘩鬼叫，出到嚟成身汗

     
入咗幾間鬼屋之後，去咗d輕鬆既地方relax，好似睇吓水母館 ，坐吓海洋列車同埋纜車欣賞風景.

唔知比阿爸阿媽見到呢幾張相會唔會鬧爆我呢??? (衰女, 好玩唔玩, 大吉利是呀!!! 呢d嘢點可以玩o架……下刪300字)