星期五花老爺一早去咗沙田做兄弟，因為老友記阿豪同阿寶結婚，恭喜晒呀！ 恭喜又多一個美女加入我哋師奶行列！

而我花師奶就收工之後"拿拿林"坐車去老尖參加佢哋既飲宴，未開席之前，我當然又係攞住部相機四圍影啦

     當晚好touching，因為阿豪預備咗一段連阿寶都唔知既video+現場solo唱歌，"陪著您走，一生一世也不分......."

敏晴今日非常比面豪哥哥，專程過海出席呢個婚宴，仲成晚用個奶樽同您"飲杯"，勁可愛！

  黃色嗰碗唔好以為係翅，今次主人家預備既係燕窩，我都好耐無食過，正呀！ 

哈哈~ 星期一有餐正嘢食, 因為中咗六合彩呀 ! 今次係同事一齊夾錢買中咗成千"蚊", 大家商議好之後, 決定食餐好, 開心下．

點解無人生日又有壽包食？皆因大家叫咗個有魚有翅有炸子雞既壽宴．當晚大家都食得好開心，有同事開心笑到收唔到聲，仲比人影埋相添，不過我當然唔可以post出來，唔係實比人打

星期日一早去咗觀禮，因為黃小姐要結婚了，真係恭喜晒 ！

平時勁男仔頭既黃小姐，今日終於見到佢化妝同著裙仔，成個靚晒

仲以為Gary會放飛機 唔到，原來係帶埋BB一齊來所以遲到，算佢啦．

觀禮之後，花老爺就同我去咗西貢拍拖仔，享受下陽光與大自然，睇下d狗仔游水散下步咁．

兩條友仔坐係海邊幾個字睇狗仔游水，睇睇下都想去游埋一份

跟住行行下見到一隻比熊犬，佢好似公仔勁可愛勁得意，仲好友善，我好鍾意，真係好想帶佢番屋企呀!!

星期五晚收工之後番咗順利打邊爐 , 阿媽湯師奶果然同我一樣, 勁豪氣, 買咗足夠3日3夜打邊爐既材料, 十個豐富!! 花老爺呢期咁忙，開OT無參加，嘥晒！

成檯都係嘢，有菜幾斤．肥牛幾碟．豬潤．牛柏葉．魷魚．花蟹．魚蛋．唔知咩丸同咩丸．瀨尿蝦．．．．．最後當然係食唔晒啦.

  臨瞓前同阿旺影番張相先

  今晚涼咗，等我用番張馬騮仔毯先！

呢幾日天氣清爽, 真係最啱BBQ, 所以星期6晚天使社群就攪咗個BBQ活動gathering, 呢個元朗BBQ場勁近元朗西鐵站,十分方便

<- 吹吹下水, 發覺大家原來一齊做義工services已經有8年多......真係光陰似箭, 以前阿Ben個仔一齊做services仲係一個9歲既小朋友 , 而家已經......17歲 , 而我就.......仲係25歲囉 

尋日因為要去奧海考試同training，所以約咗朋友B食lunch，佢問我想去邊食，我當然就係想去呢個18樓有海景睇既canteen啦，風景好d胃口自然都好d

星期日, 同芭比一齊去做義工, 今次係探訪老人院, 同d公公婆婆玩吓遊戲, 唱吓歌仔開心吓

去過唔同既老人院做service, 知道有好多唔同style既老人院，有時會係度想，唔知自己第時老咗會點呢 ？？？會去邊間老人院呢？？？ 希望到時可以入一間環境好，服務好，仲有麻雀打既老人院啦，如果唔係實悶瓜

剛剛星期日同花老爺去咗荃灣既Citywalk行街街，呢個商場開咗咁耐我都未去過，比我既感覺都幾好行, 而且又有d露天公園仔坐下, 唔錯唔錯，不過可能係星期日，比較人多, 所以我同花老爺行行下去咗一間餃子店食Tea，然後走人 ~

其實呢間食餃子觀塘既APM都有......

尋晚星期二，同事們幫手執嘢之後一齊去食飯，去咗觀塘既彪哥食聖子皇同蠔餅，味道一般，無想像中咁好食，可能因為門口有蔡瀾張相．有expectation......之後大家好有興緻再去食糖水，不過呢間嘢仲衰，我個楊枝甘露.....一句講晒 "超難食!!", 不過難得同幾位同事一齊食飯，食糖水，吹吹水，都算低番晒

聖子到！