上個星期六預祝老豆60歲生日，我哋book咗間酒樓食飯，我同花老爺一早去到酒樓裝飾一下，等老豆到時開心一下，果然佢到既時候好surprise ，好開心．

第一個節目就係唱K ，呢間酒樓既音響唔錯，大家唱得好enjoy!

餸菜好味又豐富，有乳豬，有鮑魚，有翅，有燕窩蛋糕，又有禮物收 ，你睇湯老爺幾開心

近來公司同事一齊玩花，大家lunch之後都會去花店行吓 ，睇吓有咩花賣，而我喺公司有幾盆植物，今個星期仲多咗一盆，因為有日番順利食飯，老豆比咗盆蘆薈我．

       
插過好多唔同類型既花，例如太陽花，菊花，百合……發覺百合係最好 ，因為又靚又香，而且平均維持到1-2星期，可以睇住佢由頭開到尾，慢慢享受佢開花既過程．

  老豆喺一盆好大既蘆薈分支一小盆比我，等我公司又可以多一盆綠色植物，而整個移植過程好榮幸請到小狗阿旺幫我哋做即場監督，哈～

好耐無玩風帆獨木舟了, 尋日星期日一次滿足晒兩個願望 , 朝早出發去西貢碼頭首先上半part玩風帆, 太耐無玩最初真係成日跌落水, 之後開始get番個feel就好好多了, 不過最衰無帶手套, 拉拉下個帆對手開始有d痛, 於是下午lunch之後part 2 就改玩獨木舟, 不過始終都係風帆好玩好多, 下次去一定要記得帶番對手套 .

Part 1 - 風帆：原來西貢碼頭ｄ水好淺 ，用用下救生衣就無用了，因為阻住爬上爬落．

中場休息，係露天茶座飲茶，中途還有Fion加入，ENJOY~

Part 2 - 獨木舟：下午開始天有點暗 ，以為會下雨，不過好好彩最終都無.

玩完一日之後番到屋企雙手好倦好倦，無晒力，仲有成個人散晒，好彩今日day-off 可以喺屋企瞓晏d休息一吓

同事買多咗張渣兜既$150問我要唔要？見唔洗去買又唔洗排隊就買咗，買咗之後諗緊有咩用途？？因為要用$280買$150面值既銀紙，想想下有ｄ肉痛. 今日Amanda問我送咩生日禮物比老豆(因為佢就嚟生日)，哈~　我想到了……即時無咁肉痛．

上星期六大家入咗天水圍探阿B同佢個囡囡，仲有當然係食薑醋啦 ．呢一日除咗睇BB囡之餘，就係大家好難得咁坐喺度慢慢傾吓計，傾咗好多平時無傾既嘢，好warm好close，又好似去咗camp咁煮湯丸做宵夜 ，估唔到大家可以傾到成10點幾先走．

為咗個囡囡，阿B請咗個印尼工人幫手湊，聽到佢對工人既態度，同其他大部分人既想法好唔同，我就發覺人越大就越現實，有時做嘢真係會少咗用人性既角度去睇，今次都係一個好好既機會remind自己，愛係無分種族，職業，無任何彊界．

B姐我佩服你既無私! 我都要多多學習!!!

星期日，終於有機會見到嘉達個囡囡了，因為佢老豆生日食飯麻，為咗近阿B女，所以我哋選擇咗灣仔既德興，呢間酒樓唔錯，無論地方，食物同服務都好好

  呢一日總共有3個BB，有嘉達既囡囡，阿Paul同Suki既仔仔，好熱鬧呀！

一年容易又中秋，今個星期二就同屋企去咗沙爹王食呢個中秋節晚飯，６個人勁食，包括魚翅撈飯，凍蝦都係５佰幾蚊，Yeah!