今日同舊同事食lunch, of course 又係食我既燒春雞沙律啦，好味！正呀！而今個lunch，我就收到兩個炸彈 ~ 就係兩位ladies搵到另一半, 11月會結婚, 真係恭喜晒!

記得我同花老爺結婚時都係要四圍派炸彈 ，而我既時間arrangement就好差，攪到派唔切，有ｄ要寄，有ｄ要朋友幫手派，真係唔好意思之餘亦好多謝朋友們賞面 ．

祝ALICE同老公百年好合！　 祝GLORIA同老公永結同心！

星期日, 同花老爺屋企人去咗"elephant"食西餐, lunch之後就去佢大佬屋企幫手搬張梳化去掉, 因為佢屋企想要多d空間比BB玩,  BB真係多人o錫呀, 大家咩都會以佢為先, 好羨慕呀~

  <- 雖然已過中秋, 但係天氣依然好熱, 搬到辛水辛汗, 而我跟住行都出晒汗

等咗好耐, 終於約到杜比, 美yee & 阿lok係APM食呢個霜降牛肉, 好味呀!! d牛肉好"林", 好香, 而且肉汁又好豐富.

食飽飽之後，大家就吹吹水，而我就學識咗一句天下無敵既說話，就係"講道理姐"~ 呢句話適合各種情況, 例如老闆鬧你, 你又覺得無錯, 你可以同佢講"老闆,我都係講道理姐!" 又例如你同朋友吵架, 又可以用呢一句"朋友,我都係講道理姐!", 你話幾咁有用呢! 

大家都無辦法相信, 係food court食飯居然要每人"成舊水" ~ 想起以前d food court都係cheap嘢, 20蚊落樓，而家就.......

係網上無意見到:
麵包店是一個皇宮，我是一條生命麵包，在烘爐的肚子裡發育成長，出生後便被拖上刑場，準備接受滿清十塊酷刑，切成十塊……切成十塊。 

但聽說菠蘿包犯了欺君之罪，因為明明是菠蘿包，裡面卻沒有菠蘿，所以要接受煎皮酷刑，把面皮一塊一塊削下來，比我更慘。
菠蘿包又說自己不是最慘的，自己起碼是熱血的青年，比那些被打入冷宮的西餅幸運。
西餅佳麗又說自己縱然被打入冷宮，但仍有清醒的腦袋，比患了暴發性癲狂症的的後宮布甸(暴癲)幸運。布甸說：「哇哇哇！嗚嗚嗚！？(在發狂)哇哇哇！嗚嗚嗚！」

  <-花老爺前日係灣仔買比我既包, 大家估下呢個係咩包? 係皇宮唔知又會點呢？？？

各位好友, 渣兜馬拉松 開始報名了, 今年有位大家都估唔到既朋友會參加......佢就係張connie ~ 

事源我今年本來唔想玩唔參加, 因為賽程上年試過, 而且渣兜馬拉松又玩咗好幾年, 無咩新意, 再加上上一年既可怕經歷......(比人大放飛機 .) 點知張Abby好有誠意, 不斷游說我......又 "pair pair pair" 同 "咩咩咩", 於是我比個challenge 佢, 叫佢如果搵到多個朋友去我就去, 於是.......

至於張Abby用咩方法叫到張connie去, 我就真係唔明同埋唔知了

各位好友, 我哋報咗

比 賽 日 期 ： 二OO九 年 二 月 八 日 ( 星 期 日 )

十公里3組 - 上午6時30分

Come to join us at http://www.hkmarathon.com

今日收到舊同事send比我個e-mail , 內容係講健康, 雖然係老生常談, 但我覺得好正 , 一來平日工作咁辛苦, 有時真係會忙記咗自己既健康, 有朋友send e-mail care下, 又真係好warm; 二來呢個powerpoint作者真係好有心機, 每張powerpoint都有靚圖又有靚字, 所以想同大家share一下．

而我亦都想同睇緊blog既家人朋友仔您們講聲 "Take Care, my dear! 天氣轉涼, 要穿多件衣服啊 ~ "

今日係老豆既農曆生日, 我哋一家人去咗中環鏞記食飯, 因為大家都未去過麻. 而一向遲到既大佬, 今日居然準時到

燒鵝，琵琶蝦同翅都好好味，不過就好貴呀～

生日當然唔少得食壽包啦

苦主  VS  反苦主

又有人問?? 雷曼兄弟點解唔問安信兄弟借錢，大家都係好兄弟"姐"!

今日放假, 終於可以慢慢寫下blog了, 皆因平日收工之後實在太倦, 所以都無咩精神同埋心情再去寫blog.

星期一收工之後, 約咗芭比同keyboard打羽毛球, 好耐無打羽毛球既我好開心 , 不過之後兩日就對手有d痛, 個人就好倦, 我估真係要多番d運動至得, 之前都有去做下gym, 而家無論gym同埋打羽毛球都停晒, 一運動番就 ......唔知mega box個泳池開咗未呢?

星期6收工之後, 我同花老爺就去天水圍小明屋企補祝嘉達生日, 當日好熱鬧好開心, 因為有個BB比我"蝦", 哈~

Suki仔仔下星期就一歲生日, 除咗同嘉達講"Happy Birthday!", 都預早同軒軒講聲"Happy Birthday!"

食物相當豐富 , 有一大堆KFC雞, 一大堆Pizza Hut, 2兜茶餐廳既炒烏冬, 數碗Fion牌美味啫喱, 當然唔少得既就係生日蛋糕啦

今日收到 2個電話, 一個就係朋友B, 佢話佢部門風聲鶴唳, 有10幾個人無得留低, 比人叮走. 另一個就係"一粒糖", 佢話中環有 WMM 被炒...... 嚇死人咩!!!!!! 我仲未過probation架!!!!!! 希望我呢個 quarter 生意興隆.....順風順水.....各朋友有咩投資理財,資產增值方面需要記得關照下我呀 ~