因為上年08未過probation無放過假今年09勁多假，所以新年攞咗幾日串到年初 8 好日先開工

初二同初三唔洗去拜年，係屯門無無聊整咗個宮廷杞子桂花糕，今次懶係健康落咗好少好少糖，點知唔夠甜 ，不過我奶奶好好"人事"咁話啱晒佢wo，因為佢喜歡健康d，真係多謝晒

年初四，去新婚既豪哥新屋拜年兼打邊爐 ，新屋裝修唔錯，最型係個地板，扮晒油木地板不過原來係磚，型得嚟又方便打理，可惜我唔記得close-up影張相比大家欣賞一下．

  <-- 林生林太一早為我們預備好豐富既食物同飲品，真係辛苦晒

<-- 而我哋呢 5條友仔，就坐係度等食囉

年初一番咗順利同湯師奶湯老爺拜年同埋食齋，阿媽煮既南乳齋好好味，每年我都食好多好多，因為有雪耳又有粉絲，都係我喜歡，食到飽飽之後，大家起程去咗姑媽屋企拜年．

  個樣唔靚仔，但係好好味既南乳齋

今年買花平咗，前幾年買百幾二百蚊既花，今年一百蚊攪掂

今年年三十我哋成家好in咁去咗西貢BBQ, 最開心既就係阿旺, 因為有好多嘢食, 有腸仔, 雞翼, 豬扒......仲有得四圍走, 見到好多唔同既狗狗.

<-- 湯老爺同湯師奶第一時間唔係燒嘢食比自己, 又唔係燒比d仔女, 佢哋居然第一時間燒嘢食比阿旺, 真係what cow!

前晚食飽飯之後，大家有個主意就係同美國既親友拜個年，於是以下呢個搞笑低B既傑作就延生咗~

今晚同花老爺一齊番咗順利食飯 ，勁豐富，成檯都係餸，仲有我最喜歡既切雞 ．雖然今日lunch已經食咗，不過今晚一樣照勁食，勁開心．

湯老爺同我扮玩影相，"成機"唔開飯，哈～

湯師奶話隻新鮮雞要成$200幾蚊，嚇到我傻  既然咁新鮮，我哋成家人就即晚隊晒佢！

嘩！唔係麻，咁都怨?!

係你個仔自己走去行五星級難度的牛押山七十度懸崖峭壁，人哋消防員民安隊出動成team人成晚唔瞓通霄去救你，你仲講埋d咁既嘢，你話幾咁discouraging！如果唔係你個仔，人家係屋企瞓緊覺，又或者係office暖粒粒，而家陪你係山吹風 ，多謝吓人啦，老馮咩！人哋咁辛苦通頂為咩？？？你話人哋下次仲有無心機去救人......反正咁辛苦都係比人話......

消防員民安隊我支持你！

尋日有個好消息，就係辛苦咗大半年，終於過咗probation了

呢半年都咪話唔辛苦，因為未做過Bank，咩都係由 0 開始，變咗要d時間適應新環境，而且又要跑數，所以最初覺得勁辛苦，好似老咗幾年(皆因之前份份工都太太太舒服，而且又勁勁勁輕鬆)．不過好彩呢度ｄ同事勁nice，教識我好多嘢，而且又好幫手，特別係麥嘜同VN姐，真係Thank you 當然仲有多謝refer我來呢個大家庭既B姐啦 我會去搵地方食飯，交比我啦 ~

上星期六日都有function, 而且都係唔去唔得個隻, 攪到日日都見到ｄ親愛既同事, 真係"公司是我家, 日日見大家!"

星期六係raymond既大日子, 個日有人讚我靚, 勁開心

星期日晨早百萬行，勁眼瞓

十分多謝花老爺 ~

今日好down，連番工既心情都無，所以一早打電話番公司請假......momo尋晚上咗天堂走了.......好多謝佢呢5年幾帶來比我既歡樂．好記得同佢一齊去大潭郊野公園＆維園玩......Thank you. I will miss you always......

2008仲有一個party就係幾條友既CityU同學仔約會 ，我哋呢幾個好得意，因為平時約人多數都係女仔arrange，而呢幾條友仔既約會，多數都係男仔arrange，包括打電話約人決定地點等，所以我哋呢三朵金花只係撓埋手到時到候出現就可以，輕鬆呀～

呢個約會有 2個好消息 ，第一個就係消防佬3月會做老豆，另一個就係阿成會係5月結婚，佢終於都大個仔了

打完邊爐大家去咗飲嘢，講咗好多好好笑既事，例如我嚇阿成話我唔去佢度飲，因為佢結婚係我生日既前兩日，我會好忙唔得閒，又可能會去旅行，之後美誼又話5月生日唔可以去飲因為阿媽話會相沖，哈～ 仲有好多其他關於大家近況既笑話，總之就關心之餘又笑爆咀啦

大家都讚杜比靚咗 ，我都係咁話，因為只有佢無脹大過仲keep到，而且又開始打扮下

食完呢煲嘢我好大煲，因為又生痱滋又牙肉腫，好痛好辛苦呀！